ABŞ-da toz fırtınası nəticəsində azı 6 nəfər ölüb.
“Yeni Gundem” xəbər verir ki, ABŞ-ın İllinoys ştatında toz fırtınası səbəbindən magistralda bir neçə avtomobil toqquşub, nəticədə azı 6 nəfər ölüb, onlarla insan yaralanıb.
Yerli hüquq-mühafizə orqanlarının əməkdaşlarının sözlərinə görə, Sprinqfild yaxınlığında baş verən yol qəzasında 60-a yaxın avtomobil və bir neçə qoşqu toqquşub.
30-dan çox insan müxtəlif dərəcəli bədən xəsarətləri ilə xəstəxanaya çatdırılıb.
İllinoys ştatının polis mayoru Rayan Starik deyib: “Qəzanın səbəbi güclü küləklərin tarlalardan tozları magistral yola sovurması və görünmənin sıfırlanmasıdır”.
