Qərb ekspertləri Putinin əsəblərini sıxır
Vladimir Putini qəzəbləndirəcək açıqlamalar verən Qərb aviasiya mütəxəssisləri Rusiya Su-57-nin tamamilə mübaliğə olduğunu və heç vaxt F-35 döyüş təyyarələrini ötməyəcəyini iddia ediblər.
ABŞ-ın İsrail və Yunanıstana F-35 qırıcıları göndərməsi, Ukraynaya F-16 qırıcıları tədarük etməsi son vaxtlar Rusiyanın gündəmində olub. Xüsusilə də Yaxın Şərqdə və Avropada çoxməqsədli F-35 qırıcısının meydana çıxması Rusiyanı narahat edib. Ukrayna müharibəsinin NATO-ya sıçrayacağı təqdirdə F-35-lər müqabilində Su-57-nin hərəkətləri ediləcəyi ilə bağlı şərhlər var.
5-ci nəsil Su-57 döyüş təyyarəsini F-35-ə rəqib kimi önə çəkən Rusiyanı qəzəbləndirəcək açıqlamalar Qərb ekspertlərindən gəlib. Qərb aviasiya mütəxəssisləri Su-57-nin tamamilə şişirtmə olduğunu və Moskvanın bu təyyarəni əhəmiyyətli sayda istehsal etmək gücünə malik olmadığını iddia edirlər.
5-ci nəsil döyüş təyyarəsi Su-57 uzun müddətdir Rusiya rəsmiləri tərəfindən kompozit materiallardan geniş istifadə edən “qabaqcıl” gizli texnologiyasına görə təriflənir. NATO-nun Felon adını verdiyi Su-57-nin hər cür hava, quru və dəniz hədəflərini məhv edərkən səsdən sürətli kruiz sürətinə çata bildiyi iddia edilib.
Su-57-nin ilk dəfə 2010-cu ilin yanvarında uçması, lakin 2020-ci ilin dekabrına kimi xidmətə girməməsi Qərb ekspertlərinin diqqətini çəkib. Bildirilib ki, Rusiyanın qırıcı təyyarəsinin ilk korpusunda prototiplərin yenidən dizaynını tələb edən problemlər yaranıb.
Aviasiya eksperti Chris Bolton keçən il sosial mediada qeyd etdi:
“Rusiyanın Su-57 “gizli” döyüş təyyarəsi təmiz F/A-18 Super Hornet ilə müqayisə edilə bilən radar kəsişməsinə malikdir və F-35-dən təxminən min dəfə böyükdür.
Rusiyanın Felon donanması müxtəlif səth örtüklərinə malik əllə hazırlanmış 12 prototipdən və yalnız iki istehsal təyyarəsindən ibarətdir…”Digər ekspertlər də Felon-un həqiqətən gizli təyyarə kimi təsvir edilə biləcəyini sual altına aldılar və Su-57-nin Lockheed Martin-in F-35-ə qarşı mübarizədə üstün ola biləcəyini təklif etdilər.
Amerikalı ekspert Piter Suciu bildirib ki, Rusiya qırıcı təyyarəsi real beşinci nəsil təyyarədən daha inkişaf etmiş dördüncü nəsil döyüş təyyarəsinə daha yaxın dizayna malikdir.
Peter Suciunun sözlərinə görə, Su-57 F-15 Eagle və ya F-16 Fighting Falcon-dan daha az aşkarlana bilər, lakin onun beşinci nəsil rəqibləri ilə müqayisədə en kəsiyi zəifdir. Digər amil rəqəmlər olaraq qalır. Rusiya kütləvi istehsala nail ola bilmir.
Mənbə: TGRT
Aynur Camal
