Amerika Birləşmiş Ştatları Ukraynaya 300 milyon dollar dəyərində yeni hərbi yardım paketi elan edib.
“Yeni Gundem” Xarici KİV-ə istinadən xəbər verir ki, bu barədə Pentaqon bəyanat yayıb.
ABŞ Müdafiə Nazirliyinin məlumatına görə, yardım Ukraynanın kritik təhlükəsizlik və müdafiə ehtiyaclarını ödəmək üçün nəzərdə tutulub.
Yeni hərbi yardım paketinə HIMARS raket sistemi üçün döyüş sursatı, 155 mm-lik haubitsalar, artilleriya mərmiləri, tank əleyhinə raketlər, ağır texnikanın daşınması üçün yük maşınları və qoşqular, avtomobillərin diaqnostikası üçün avadanlıqlar, ehtiyat hissələri və digər sahə avadanlıqları daxildir.
Pentaqonun bəyanatında deyilir: “Birləşmiş Ştatlar Ukraynaya döyüş meydanında onun təcili ehtiyaclarını ödəmək, eləcə də Ukraynanın uzunmüddətli təhlükəsizlik ehtiyaclarını ödəmək üçün imkanlar vermək üçün müttəfiqləri və tərəfdaşları ilə işləməyə davam edəcək”.
