Milli Məclisin sədr müavini Adil Əliyev Qurban bayramı münasibətilə Azərbaycan xalqını təbrik edib.
“Yeni Gündəm”-in xəbərinə görə, təbrikdə deyilir:
“Əziz həmvətənlər, hörmətli qardaş və bacılar, Sizi müqəddəs Qurban bayramı münasibəti ilə səmimi qəlbdən təbrik edir, hər birinizə uzun ömür, can sağlığı, firavan həyat və əmin amanlıq arzu edirəm. Kəsilən qurbanlarımız Allah yolunda fədakarlığın, İkinci Qarabağ müharibəsi isə Vətən uğrunda fədakarlığın təntənəsidir.
Uzun illərdən sonra nəhayət ki, qurbanlarımızı Şuşada, Cəbrayılda, Kəlbəcərdə, Laçında və işğaldan azad edilmiş digər ərazilərimizdə kəsməyə müfəvvəq olduq. Bu müqəddəs bayramı artıq ərazi bütövlüyünü qəhrəmancasına bərpa etmiş xalq olaraq qeyd edirik. Vətən uğrunda şəhid olanların xatirəsini dərin hörmət və ehtiramla yad edir, qazilərimizə şəfa arzulayıram. Allah kəsilən qurbanları qəbul etsin, bayramınız bir daha mübarək olsun”.
