“Yeni Gundem” TrtHaber-e istinadən xəbər verir ki, Avropa İttifaqı (Aİ) Şurasının prezidenti Şarl Mişel tərəfindən Laçın dəhlizinin və Ağdam yolunun açılması ilə bağlı mərhələli təklif təqdim edib.
O Bakı, İrəvan və Qarabağ ermənilərinin nümayəndələri ilə əlaqə saxlayır.
Bəyanatda Aİ-nin Laçın dəhlizinin açılmalı olduğuna inandığı vurğulanıb və qeyd olunub ki, Ağdam yolunun material təchizatı üçün istifadə edilməsi təcili və gündəlik əsas tələbləri ödəmək üçün konkret və davamlı həllin bir hissəsi ola bilər.
Həmçinin Bakı və Qarabağ erməniləri arasında dialoqun qarşılıqlı etimadı gücləndirməli olduğu və Aİ-nin bu məqsədlə müxtəlif təkliflər irəli sürdüyü bildirilib.
Bildirilib ki, bütün səylərin yeganə məqsədi Bakı-İrəvan münasibətlərinin bütün xalqların mənafeyi naminə daimi normallaşmasına nail olmaqdır. Bu kontekstdə Aİ-nin digər beynəlxalq aktorlarla müntəzəm əlaqədə olduğu qeyd edilib.
Eyni zamanda məlumatda bildirilir ki, Azərbaycan rəhbərliyi Qarabağda yaşayan ermənilərin Ermənistana qayıdarkən istifadə etdikləri Laçın-Xankəndi marşrutu ilə sərhədçilərin Ermənistandan atəşə tutulduğunu və onların Qızıl Xaçla “qaçaqmal malları” daşıdığını əsas gətirərək məhdudiyyətlər qoyur.
“Mülki əhalinin keçidi üçün yolu açıq saxlayan, lakin ağır avtomobillərin keçməsinə icazə verməyən Azərbaycan Qarabağdakı erməni əhalisinə daşınmalarda Ağdam-Xankəndi yolundan istifadə etməyi təklif edir. Ermənistan isə Azərbaycanı Laçın dəhlizini bağlamaqla malların Qarabağa getməsinin qarşısını almaqda və humanitar böhrana səbəb olmaqda ittiham edir” – deyə sayt yazıb.
Mənbə: hurriyyət.tr
Aynur Camal
