Yamaqata Universitetinin yapon alimləri 40 yaşdan yuxarı kişilər arasında gözlənilən ömür uzunluğu ilə cinsi marağın qorunması arasında əlaqə tapıblar. Tədqiqat PLOS One elmi jurnalında dərc olunub.
“Yeni Gundem” xəbər verir ki, mütəxəssislər 2009-2015-ci illərdə Yamaqata prefekturasından 8558 kişi və 12411 nəfər arasında sorğunun nəticələrini öyrəniblər. İştirakçılar cinsi maraqları və digər vərdişləri ilə bağlı sualları cavablandırıblar. Könüllülər siqaret və içki vərdişləri, təhsil, insanların tez-tez gülməsi və digər aspektləri nəzərə alan illik fiziki müayinələrdən də keçiblər.
Tədqiqat zamanı 503 iştirakçı öldü – 67-si ürək-damar xəstəliklərindən, 162-si isə xərçəngdən.
Kişilər arasında 8,3% cinsi əlaqəyə maraq göstərmədiyini bildirib. Bu eyni qrup cinsi aktiv qalan həmyaşıdları ilə müqayisədə hər hansı bir səbəbdən vaxtından əvvəl ölüm nisbəti əhəmiyyətli dərəcədə yüksək idi. Eyni zamanda, əks cinsə marağı olan kişilərin ömür uzunluğu, hətta pis vərdişlərin mövcudluğunda da daha yüksək olub.
Digər tərəfdən, qadınlar üçün cinsi istəyin olub-olmamasının ölümə heç bir təsiri olmayıb.
Əvvəllər seksoloqlar qadınların cinsi davranışda sapmalara kişilərə nisbətən iki dəfə daha çox rast gəldiyini aşkar etmişdilər.
