İrlandiyadan Milas-Bodrum hava limanına gələn təyyarədə spirtli içki qəbul edən sərnişin təyyarədə qarışıqlıq yaradıb. Təyyarədə digər sərnişinə hücum edən əcnəbi qadın hava limanında saxlanılıb.
Ötən gün İrlandiyanın Dublin şəhərindən havaya qalxan Ryanair sərnişin təyyarəsi Milas – Bodrum hava limanına eniş edərkən, sərnişinlər arasından əcnəbi bir qadın ayağa qalxaraq yeriməyə başlayıb. Stüardessaların xəbərdarlığına baxmayaraq oturmayan qadını başqa yerə əyləşdiriblər.
Yanındakı türk qadın sərnişin yenidən ayağa qalxmağa çalışan spirtli qadına müdaxilə edib. Sərxoş qadın türkiyəli sərnişinə hücum edərək onu dodaq nahiyəsindən yaraladıqdan sonra iki qadın baş-başa dava edib. Stüardessalar və sərnişinlər araya girərək davanı dağıtdılar. Sərxoş qadın yerə uzanmağa məcbur edilib və güclə saxlanılıb. Hadisələri başqa bir sərnişin lentə alıb. Eniş edən təyyarə uçuş-enmə zolağında qaldığından digər reyslər təxminən bir saat gecikib. Sərxoş qadın Milas – Bodrum Hava Limanında növbətçi polis tərəfindən saxlanılıb.
Mənbə: TGRT
Aynur Camal
