Türkiyənin Konya şəhərində “Anadolu Qartalı-2023” beynəlxalq taktiki uçuş təlimlərinin əsas mərhələsi başlayıb.
Müdafiə Nazirliyindən “Yeni Gundem”-ə verilən məlumata görə, təlimin ilkin mərhələsində plana uyğun olaraq uçuşlar zamanı təhlükəsizlik qaydaları və qarşıya qoyulan tapşırıqlar izah edilib.
Daha sonra təlimlər çərçivəsində saxta düşmənin hava hücumundan müdafiə sistemləri məhv edilib. Aviasiya aktivləri hava üstünlüyünü təmin etdikdən sonra döyüş təyyarələri ilə birlikdə düşmənin hava məkanına daxil olaraq yer hədəflərinin məhv edilməsi və yüksək hündürlükdə döyüş manevrlərinin həyata keçirilməsi tapşırıqlarını yerinə yetirib.
Təlimin ilk günündə qarşıya qoyulan tapşırıqlar pilotlar tərəfindən uğurla yerinə yetirilib.
