Apple mütəxəssisləri smartfonlarda generativ süni intellekt (AI) alətləri ilə işləməyin yeni üsulunu təsvir ediblər.
“Yeni Gundem”in əldə etdiyi məlumata görə, tədqiqat arXiv preprint serverində dərc edilib.
Materialda bir qrup elm adamı generativ süni intellektin köhnə cihazlarda belə istifadə oluna biləcəyi üsul təklif edib. Şirkət əməliyyatları emal etmək üçün RAM əvəzinə cihazın daimi yaddaşından istifadə edə biləcəyinizi söyləyib.
Əməliyyat zamanı süni intellekt modeli artıq işlənmiş məlumatları təkrar istifadə edə bilər. Çatbot həmçinin iPhone-un daxili yaddaşından məlumatı tez qəbul edə biləcək ki, bu da xidməti sürətləndirəcək.
Mütəxəssislərin fikrincə, yeni üsul prosessorun yükünü 4-5 dəfə, qrafik sürətləndiricini isə 20-25 dəfə azaldacaq. Həmçinin, məlumatlar serverlərdə işlənməyəcək – məşhur ChatGPT chatbotunda olduğu kimi, birbaşa smartfonda. Tədqiqat müəllifləri qeyd ediblər ki, “Bu sıçrayış qabaqcıl LLM proqramlarını resurs məhdud mühitlərdə tətbiq etmək və bununla da onların tətbiq oluna bilməsini və əlçatanlığını genişləndirmək üçün xüsusilə vacibdir”.
Noyabr ayında insayderlər gələcək Samsung smartfonlarının daxili süni intellekt dəstəyinə sahib olacağını bildiriblər. Mənbələrin məlumatına görə, qadcet sahibləri internet bağlantısı olmadan müxtəlif xidmətlərə daxil ola biləcəklər.
Mənbə: Lenta.Ru
Aynur Camal
