İsrail-Fələstin münaqişəsi davam edir.Moskvada təmasda olan Həmas rəsmisi Əbu Həmid bildirib ki, İsrail atəşkəs qərarı olmadan girovları azad etməyəcək.
“Yeni Gundem” xəbər verir ki, Həmas rəsmisi Əbu Həmid Rusiyanın paytaxtı Moskvaya səfər edib.
İclasda girov götürülən Rusiya və Müstəqil Dövlətlər Birliyi (MDB) vətəndaşlarının təxliyyəsi müzakirə edilərkən, Həmas nümayəndəsi Əbu Həmid Rusiyanın “Kommersant” qəzetinə açıqlama verib.
“Atəşkəsə qədər girovları azad etməyəcəyik”
Girovların azad edilməsinin zaman alacağını bildirən Əbu Həmid, “Atəşkəs olana qədər girovları azad etməyəcəyik. “Oktyabrın 7-də İsraildən Qəzzaya götürülən girovların kimliyini müəyyən etmək üçün vaxt lazımdır.
Girovların tapılması üçün sakit bir mühit tələb olunduğunu da əlavə edən Əbu Həmid, “İsrailin hücumlarında təxminən 50 girov öldü” deyib.
“Rusiya Fələstin xalqı üçün dost ölkədir”
Əbu Həmid, həmçinin Moskvadakı təmaslar zamanı Rusiya tərəfinə 7 oktyabrda Fələstindən İsrailə hücumların səbəblərini açıqladıqlarını ifadə edərək, “Rusiya Fələstin xalqı üçün dost ölkədir və bütün nümayəndələri ilə münasibətlərini qoruyur.
“Biz onlarla müxtəlif məsələlərdə məsləhətləşməyə həmişə hazırıq” deyə bəyanat verib.
İsrailin oktyabrın 7-dən etibarən Qəzza zolağına həyata keçirdiyi hücumlarda ölənlərin sayı son 24 saatda 481 nəfər artaraq 7028 nəfərə çatıb.
Xəbər mənbəyi: İhlas Xəbər Agentliyi
Aynur Camal
