Avropa İttifaqı Ukrayna üçün sursat alınması üçün 1 milyard avro ayrılmasını təsdiqləyib.
“Yeni Gundem” Xarici KİV-ə istinadən xəbər verir ki, bu barədə Avropa İttifaqı Şurasının yaydığı bəyanatda deyilir.
“Avropa Sülh Fondu”ndan pul Ukrayna silahlı qüvvələri üçün 155 mm-lik artilleriya mərmilərinin və lazım gələrsə, raketlərin alınmasına ayrılacaq. Onlar AB üzv dövlətlərində və Norveçdə yerləşən istehsalçılardan sifariş ediləcək, baxmayaraq ki, komponentlər digər ölkələrdə də mövcud olacaq.
“Ukrayna silahlı qüvvələrinin Ukrayna xalqını və ərazisini qorumaq üçün xeyli miqdarda sursata ehtiyacı var. Onlara tez lazımdır. Mövcud ehtiyatlardan əməliyyat sursatı ilə təmin edilməsi ilə bağlı əvvəlki qərarla birlikdə biz bu məqsədlər üçün 2 milyard avro ayıracağıq, Aİ-nin Ukraynaya ümumi hərbi yardımını 5,6 milyard avroya çatdıracağıq”, – Aİ-nin ali nümayəndəsi Cozef Borrel bildirib.
Qeyd olunur ki, bu məbləğ 2023-cü il sentyabrın 30-dan gec olmayaraq bağlanacaq müqavilələrin maliyyələşdirilməsinə yönəldiləcək.
