Akademik Zərifə Əliyeva adına Milli Oftalmologiya Mərkəzində irsi tor qişa xəstəliyi olan Ştargardt xəstəliyinin irəliləməsinin qarşısını almaq üçün Azərbaycanda ilk dəfə olaraq kök hüceyrə müalicəsi tətbiq olunub.
“Yeni Gundem” xəbər verir ki, Mərkəzin oftalmoloq-cərrahı, Rəvanə Həsənova tərəfindən Ştarqardt (gündüz görmənin itirilməsi) əziyyət çəkən pasiyentin gözünə kök hüceyrələrin cərrahi köçürülməsi uğurla aparılaq, Azərbaycanda ilk belə əməliyyat icra olunub. Əməliyyat tam təhlükəsiz şəkildə icra olunur və heç bir yan təsirləri yoxdur.
Ştarqardt xəstəliyi irsi genetik xəstəlikdir. Əsasən qohum nikahlardan doğulmuş uşaqlarda çox rast gəlinir. Xəstəlik həyatın ilkin dövründən başlayaraq, gündüz görmənin itirilməsinə gətirib çıxarır. Dünyada müalicəsində hal -hazırda kök hüceyrə müalicəsindən istifadə olunur.
Kök hüceyrə müalicəsi artıq dünyada tor qişa xəstəliklərində 10 ildən çoxdur ki tətbiq olunur.Xəstələrin görməsinin saxlanılmasına və hətta artmasına kömək olan yeganə, ümid vədd edən müalicə üsuludur.
