Almaniyanın xarici işlər naziri Annalena Baerbok İsrail-Fələstin münaqişəsi ilə bağlı Qəzzada yüz minlərlə günahsız insanın humanitar vəziyyətini “fəlakət” kimi qiymətləndirib.
Baerbok səfərindən əvvəl İordaniya, İsrail və Livan da daxil olmaqla jurnalistlərə açıqlamalar verib. “Qəzzada yüz minlərlə günahsız insanın humanitar vəziyyəti fəlakətlidir” deyən Baerbok, “Orada hər şeydən məhrumiyyət var. Beynəlxalq yardımın, qida, su və tibbi ləvazimatların Qəzzada olan insanlara sürətlə və maneəsiz çatması çox vacibdir” deyib.
Həmçinin bu müharibə Fələstinli mülki şəxslər üçün deyil, Həmas üçündür.
“Artıq inanılmaz sayda uşaq həyatını itirdi. Ona görə də fələstinlilərə onların ağrılarını da gördüyümüzü açıq şəkildə ifadə etmək mənim üçün vacibdir” deyib.
Həmas tərəfindən saxlanılan girovların azad edilməsini tələb edən alman nazir, “Bunun baş verməsi üçün əlimizdən gələni etməyə davam edəcəyik. Mən bu səfərdən HƏMAS-a kanalları olan hər kəslə söhbət etmək və daha çox əlaqə qurmaq üçün çalışacam” deyib.
Baerbock, yardım səylərini koordinasiya etmək üçün Yaxın Şərq üzrə Humanitar Məsələlər üzrə Xüsusi Nümayəndə təyin etdiyini də açıqlayıb.
Mənbə: Anadolu Agentliyi
Aynur Camal
