The Guardian: Qlobal istiləşmə səbəbindən bəşəriyyəti beş geri dönməz fəlakət gözləyir.
Alimlər hesab edirlər ki, Yer kürəsində qlobal temperatur sənayedən əvvəlki səviyyədən 1,5-2 dərəcə Selsi arta bilər. “The Guardian” yazır ki, bu baş verərsə, bəşəriyyətin başına beş iqlim fəlakəti gələcək, Qlobal Tipping Points layihəsinin alimləri Dubayda Cop28 iqlim sammiti zamanı öz hesabatlarında bildiriblər.
Onların fikrincə, fəlakətlərin nəticələri ağır olacaq.
Bunların arasında ekosistemlərin dağılması, müxtəlif ölkələrdə iqtisadi və siyasi böhranlar, insanların kütləvi miqrasiyası var.
Alimlər xəbərdarlıq edir ki, 2030-cu ilə qədər irimiqyaslı fəlakətlər gözlənilir. İstiləşmə səbəbindən Qrenlandiya və Qərbi Antarktidada iri buz təbəqələri məhv olacaq. Həm də daimi donların əriməsi və isti sularda və manqrovlarda mərcan riflərinin yoxa çıxması baş verəcək. Beşinci fəlakət Şimali Atlantikada təbii hava sirkulyasiyasının pozulması olacaq.
2030-cu ildən sonra vəziyyət daha da pisləşəcək. Alimlər yaxın onillikdə daha üç təbii fəlakətin baş verəcəyini düşünürlər. Birinci fəlakət ikinciyə gətirib çıxaracaq, sonra isə “domino effekti” meydana çıxacaq. Əvvəllər rus alimləri belə qənaətə gəlmişdilər ki, əbədi don zonasında yaşayan mikroorqanizmlərin yüksək müxtəlifliyi iqlimin qəfil istiləşməsinin qarşısını ala bilər. Bir çox bakteriya növləri olduqda, onların həyat fəaliyyəti üçün optimal temperaturlar fərqlənir, bu da istixana qazlarının kəskin şəkildə buraxılmayacağı deməkdir.
Mənbə: mail.ru
Aynur Camal
