Bir gündə 2 nəfər itkin düşdübackend

Bakıda 28 yaşlı oğlan və 24 yaşlı qız itkin düşüb.

“Yeni Gundem”in verdiyi xəbərə görə, Nəsimi rayonunda yaşayan Məftun Hüseynov dekabrın 28-də “Memar Əcəmi” metrostansiyasının yaxınlığında yaşadığı evdən çıxaraq gedib, bir daha geri qayıtmayıb.

M.Hüseynovun anası Tovuz Cəfərova saytımıza açıqlamasında bildirib ki, oğlunun psixoloji problemləri var: “Hərbi xidmətə getmədən öncə normal idi, gələndən 4-5 gün sonra kriz keçirdi və əsəbləri korlandı. O gündən bəri illərdir onu müalicə etdirirəm. Mən də, bacısı da həmin gün işdəydik. Məftunun dostu, tanışı yox idi. Evdən çölə çıxmırdı, dərmanlarını da özü içirdi. Qonşu evdən çıxıb gedəndə görüb. Sonuncu dəfə isə təhlükəsizlik kameralarına düşüb. Həmin gün günorta 3-4 arası yaxınlıqdakı marketə girərək günəbaxan tumu, qazlı içki alaraq çıxıb. Polislər hələ də axtarırlar. Xahiş edirəm, oğlumu tapmaqda mənə kömək edin”.

O, evdən çıxarkən əynində qara rəngdə idman ayaqqabısı, idman şalvarı və üzərində ağ xətləri olan qara köynək olub. M.Hüseynovu görənlərdən 055 407 06 69 nömrəsinə zəng edərək məlumat vermələri xahiş olunur.

Həmin gün Binəqədi rayonunda yaşayan 78 yaşlı R.Hidayətov da 7-ci Polis Bölməsinə müraciət edərək bildirib ki, 24 yaşlı qızı Gülnaz dekabrın 28-i səhər saatlarında evdən çıxaraq gedib, bir daha geri qayıtmayıb.

Axtarışlar davam etdirilir.