Birləşmiş Millətlər Təşkilatının Təhlükəsizlik Şurası Qırmızı dənizdəki hücumlarla bağlı ABŞ və Yaponiyanın Ənsarullah Hərəkatına qarşı təklif etdiyi qətnaməni təsdiqləyib.
Birləşmiş Millətlər Təşkilatından verilən açıqlamaya görə, BMT Təhlükəsizlik Şurasının keçirilən iclasında Təhlükəsizlik Şurasının 15 üzvündən 11-i 2722 saylı qətnamənin lehinə səs verib. Səsverməyə etiraz olmayıb. Rusiya, Çin və Əlcəzair də daxil olmaqla dörd üzv səsvermədə bitərəf qalıb. Bundan əlavə, səsvermədə veto hüququna malik olan Çin və Rusiya veto hüququndan istifadə etməyib.
ABŞ və Yaponiyanın təklif etdiyi qərara səsvermədən əvvəl Rusiyanın qərar üçün təklif etdiyi düzəlişlər səsə qoyuldu, lakin Moskvanın təklif etdiyi üç düzəliş lazımi səsləri almadı və hər üç səsdə ABŞ və Böyük Britaniya veto edib.
Qərarda həmçinin Yaponiya şirkətinin nəzarəti altında fəaliyyət göstərən və işğal rejimi şirkəti tərəfindən idarə olunan “Galaxy Leader” yük gəmisinin dərhal buraxılması tələb olunur. Bu gəmi noyabrın 19-dan Ənsarullah Hərəkatının əlindədir.
Qəzzada işğal rejiminin həyata keçirdiyi soyqırım və qırğına 3 aydan artıqdır səssiz qalan BMT-nin işğal rejiminə gedən gəmilərin Qırmızı dənizdən keçməsinə icazə verməyən Yəmənlə bağlı verdiyi qərar, ikiüzlülük sayılır.
Mənbə: İLKHA
Aynur Camal
