Böyük Britaniyanın xarici işlər naziri Devid Kemeronun ABŞ-a səfəri çərçivəsində Böyük Britaniyada Rusiyaya qarşı yeni sanksiyalar elan edilib.
“Yeni Gundem” xəbər verir ki, müvafiq mesaj Britaniya Xarici İşlər Nazirliyinin saytında dərc olunub.
“Rusiyaya avadanlıq və hissələri ixrac edən xarici tədarükçülər sanksiyaya məruz qalacaq onlarla şəxs və qruplar arasındadır”, – deyə məlumatda bildirilir.
Bundan əvvəl ABŞ Ticarət Departamentinin Sənaye və Təhlükəsizlik Bürosu Rusiyadan 28 təşkilata, Kiprdə qeydiyyatdan keçmiş 4 şirkətə, həmçinin Ermənistandan üç və Belçikadan üç şirkətə qarşı ixrac məhdudiyyətləri tətbiq edib. Sanksiyalara Belarus, Çin, Almaniya, Qazaxıstan, Hollandiya və BƏƏ-dən də bir şirkət də daxildir. Müvafiq sənəd şöbənin saytında dərc olunub.
Xüsusilə, sanksiyalar Rusiyanın Şimal-Qərb aviaşirkətinə, eləcə də Elektrokom VPK və INELSO elektron komponentlərin tədarükçülərinə və Geomir ASC, Drujba MMC, RosAero ASC, Dolphin Alabuga MMC və Albatross təşkilatlarına təsir edib.
Mənbə: Lenta.Ru
Aynur Camal
