İndoneziya bölgədə Covid-19 hadisələrinin artmasından sonra bəzi beynəlxalq hava limanlarında istilik kameraları ilə temperatur ölçmələrinə yenidən başlayıb.
“The Straits Times” qəzetinin məlumatına görə, Səhiyyə Nazirliyi dekabrın 8-də Sinqapur, Malayziya, Filippin və İndoneziyada Covid-19-a yoluxma hallarının artdığı barədə xəbərdarlıq edib və epidemiyanın yayılmasının qarşısını almaq üçün bəzi tədbirlərin görüldüyünü bildirib.
Bu çərçivədə Nazirlik, Cakarta və Soekarno-Hatta Beynəlxalq Hava Limanı başda olmaqla bəzi hava limanlarında və limanlarda sərnişinlər üçün istilik kameraları ilə temperatur ölçmələrinin aparılacağını açıqlayıb.
Səlahiyyətlilər bildirirlər ki, termal kameraların yerləşdirildiyi keçid məntəqələrində hər hansı epidemiya xəstəliyi aşkar edən şəxslərə qabaqcıl müayinələr və Covid-19 tədbirləri tətbiq olunacaq. Nazirlik, həmçinin Covid-19 tədbirləri çərçivəsində əhaliyə ikinci doza peyvəndlərin alınması, maska taxmaq, əlləri yumaq və xəstə olduqda evdə qalmaq barədə xəbərdarlıq edib.
Mənbə: TGRT
Aynur Camal
