Rusiya prezidenti Vladimir Putin ümumrusiya ailə müsabiqələrinin iştirakçıları və qalibləri ilə görüşündə çoxuşaqlı ailələri Rusiyanın dayağı adlandırıb.
“Şübhəsiz deyə bilərəm ki, böyük ailə ölkənin dayağıdır. Ümumiyyətlə, ailə, xüsusən də çoxuşaqlı ailə dayaqdır”, – prezident bildirib. Rusiya lideri xatırladıb ki, hakimiyyət 2024-cü ildə başlanan Ailə ili çərçivəsində xüsusi olaraq bir sıra tədbirlərə təşəbbüs göstərib. “Düşünürəm ki, onlardan 300-ü və ya daha çoxu var. Və heç şübhəsiz ki, bütün bu tədbirlərin əsas iştirakçıları sizsiniz, ailələriniz, uşaqların böyüdüyü ailələrsiniz. Və təbii ki, nə qədər çox uşaq olsa, bir o qədər yaxşıdır”, – Putin bildirib.
O, bir gün əvvəl çoxuşaqlı ailələrin statusu ilə bağlı sərəncam imzaladığını xatırladıb. Dövlət başçısının sözlərinə görə, görüşdüyü insanlar bunu dəfələrlə xahiş ediblər. “Bunun həqiqətən də praktiki təsiri var. Ümid edirəm ki, bütün bunlar düzgün nəticələnəcək ki, çoxuşaqlı ailələr bütün ölkədə eyni statusa malik olsunlar”, – Putin bildirib.
Prezident izah etdi ki, o, çoxuşaqlı ailələri ona görə mühüm hesab edir ki, həm ailə, həm də ölkə dayandığı əsas insani keyfiyyətlər məhz onlarda tərbiyə olunur. Putin belə keyfiyyətlər sırasında böyüklərə hörmət, kiçiklərə sevgi və qayğı, zəhmətkeşlik və bununla bağlı hər şeyi qeyd edib.
“Bunlar bizim daim danışdığımız və dəstəklədiyimiz çox ənənəvi dəyərlərdir. Əslində bizim bütün daxili siyasətimiz, iqtisadi siyasətimiz bu və ya digər şəkildə ailə dəstəyi ilə bağlıdır”, – deyə o vurğulayıb.
“Mən başa düşürəm və bilirəm ki, hələ görüləsi çox iş var. Bilirsiniz, dövlət yəqin ki, hesab edə bilər ki, o zaman maksimum iş görüb ki, xüsusi proqramlara ehtiyac qalmayacaq, sadəcə olaraq, iqtisadi orqanizmin, sosial sferanın təbii fəaliyyət göstərməsi elə olacaq ki, nə qədər uşaq olursa olsun ailədə hər şey rahat olacaq və ölkə iqtisadiyyatının, sosial sferasının işləməsi üçün elə ümumi şərait yaradılacaq ki, heç bir sual yaranmayacaq, bizim inkişaf etdirdiyimiz dəstək tədbirləri avtomatik olaraq daxil ediləcək” dövlət başçısı deyib.
Putin vurğulayıb ki, hakimiyyət gələcək ananın hamilə qaldığı andan uşağın 18 yaşına qədər ailəni dəstəkləmək üçün tam tədbirlər paketi yaratmağa çalışıb. “Amma indi fikir vermisinizsə, 23 yaşına qədər əyani təhsil alan gənclər üçün bu proqramlar da davam edəcək, fəaliyyətini davam etdirəcək”, – deyə o, yekunlaşdırıb.
Mənbə: mail.ru
Aynur Camal
