Banqladeşdə naməlum şəxslər tərəfindən qatar vaqonu yandırılıb. Yanğın zamanı biri uşaq olmaqla 4 nəfər ölüb. Banqladeşin paytaxtı Dəkkədə səhər saatlarında dəhşətli hadisə baş verib. Hələlik naməlum şəxslər tərəfindən qatarın üç vaqonu yandırılıb.
Yerli mənbələrdən verilən açıqlamada hadisə nəticəsində biri 3 yaşlı uşaq olmaqla 4 nəfərin həyatını itirdiyi bildirilib.
Banqladeş Dəmir Yolları Naziri Nurul İslam Sucan verdiyi açıqlamada hadisə zamanı çox sayda insanın yaralandığını və hadisə yerinə 3 yanğınsöndürmə briqadasının göndərildiyini bildirib. Yanğının nəzarət altına alındığı və alov alan vaqonların yararsız hala düşdüyü öyrənilib.
Digər tərəfdən Banqladeşin əsas müxalifət partiyası Banqladeş Milliyyətçi Partiyası (BNP) yanvarın 7-də keçirilməsi planlaşdırılan ümumi seçkilərdən əvvəl hökumətin istefasını tələb edib və ölkə daxilində bir günlük tətilə çağırıb. Oktyabr ayından müxalifətin çağırışı ilə ölkədə küçələrə çıxan nümayişçilər bir çox avtomobili yandıraraq polislə toqquşub.
Dekabrın 13-də Qazipur şəhərində naməlum şəxslərin dəmir yolu xəttində relsləri kəsməsi nəticəsində baş verən qatar qəzasında 1 nəfər ölüb, ən azı 12 nəfər yaralanıb, hadisə ilə bağlı araşdırma başlanıb.
Mənbə: TGRT
Aynur Camal
