Milli Məclisin 96 saylı Goranboy-Naftalan seçki dairəsi üzrə deputatı Anar Məmmədov və “Azəriqaz” İB-nin sədri Ruslan Əliyevin təşəbbüsü ilə Goranboy rayonunun Qazançı kəndində “Azəriqaz” İB-nin növbəti “Açıq Mikrofon” aksiyası baş tutub.
“Yeni Gündəm” xəbər verir ki, Qazançı kəndinin sakinləri səyyar qəbul otağının imkanlarından istifadə edərək problem və təkliflərini açıq şəkildə səsləndiriblər. Sakinlər alternativ yanacaq mənbəyi kimi odunla bağlı da problemlərinin olduğunu bəyan edərək mavi yanacaqla təmin olunmalarını xahiş ediblər.
Aksiyaya rayonun millət vəkili Anar Məmmədov da qatılıb. Anar Məmmədov 375 nəfər əhalisi olan Qazançı kəndinə qaz xəttinin çəkilməsi ilə bağlı müraciətinə operativ şəkildə reaksiya verdiyinə görə “Azəriqaz” İB-nin sədri Ruslan Əliyevə və rəhbərlik etdiyi kollektivə təşəkkür edib.
.
