İsrailin hücumlarının davam etdiyi Qəzzada humanitar vəziyyət getdikcə pisləşir və öz imkanlarına çatan xəstəxana morqları cəsədləri dondurma maşınlarında saxlamaq məcburiyyətində qalır.
Həmçinin, “Yeni Gundem”in əldə etdiyi məlumata görə, İsrail ordusunun quru hücumuna başlamazdan əvvəl fələstinlilərə cənuba doğru hərəkət etmələri üçün verdiyi əlavə vaxt da başa çatıb.
İsrail ordusunun hücumlarının 9-cu günü olduğu üçün tam mühasirədə olan Qəzza zolağında dinc sakinlər üçün şərait dözülməz hala gəlib. Hücumlarda ümumilikdə 2670 nəfərin öldüyü, 9600 nəfərin yaralandığı açıqlansa da, elektrik enerjisinin kəsilməsi və tibbi ləvazimat çatışmazlığı ilə mübarizə aparan bölgə xəstəxanaları bu yükün öhdəsindən gələ bilməyib.
Qəzzadakı Əl-Əqsa Şəhidləri xəstəxanası dolu xəstəxana meyitxanaları ilə yanaşı, yerli fabriklərin dondurma maşınlarından müvəqqəti morq kimi istifadə edir.
Xəstəxananın məhkəmə-patoloqu Yaser Khatab Amerikanın CNN telekanalına verdiyi videomüraciətdə ailələrin cəsədləri alana qədər günlərlə gözləməli olduqlarını bildirib. “Qəzzanın yardım materiallarına ehtiyacı var” deyən Hattab, “cəsədlərlə məşğul olmaq üçün tabut və avadanlıqlara”, həmçinin meyitxana şkaflarına və tibbi avadanlıqlara ehtiyac olduğunu söyləyib. BBC-yə danışan Əl Şifa Xəstəxanasının həkimlərindən Muhammed Güneym generatorların yanacağının bitmək üzrə olduğunu və əməliyyat edə bilməyəcəklərini bildirib.
İsrail ordusunun gözlənilən quru əməliyyatından əvvəl minlərlə fələstinli Qəzzanın cənubuna keçməyə davam edir. Ordunun cümə günü elan etdiyi 24 saatlıq təxliyə müddətinin ardından əlavə 4 saatlıq müddət də başa çatıb. Şimaldan qaçan fələstinlilər BMT-nin Xan Yunus şəhərindəki düşərgəsinə sığınarkən, orada da qida və su qıtlığının olduğu bildirilib. ÜST İsrailin evakuasiya qərarını pisləyərək Qəzza xəstəxanalarında olanların məcburi şəkildə tərk edilməsini “ölüm hökmü” kimi qiymətləndirib.
Digər tərəfdən Ağ Ev İsrailin dünən yenidən Qəzzanın cənubuna su verməyə başladığını açıqlayıb.
Mənbə: hurriyyət.tr
Aynur Camal
