Dünya xəritəsində nadir hallarda diqqət çəkən 5 kiçik ölkə var. Bu kiçik nəhənglər coğrafi baxımdan kiçik ola bilər, lakin onlar öz tarixləri, mədəniyyətləri və həyatları ilə böyük təsir bağışlayırlar.
GPS texnologiyası mövcud olmamışdan və Google Earth-ün yaranmasından əvvəl insanlar yollarını tapmaq üçün xəritələrdən istifadə edirdilər. İndi də bu kağız xəritələr bir şəhər haqqında danışarkən çox faydalı ola bilər, lakin dünya xəritəsini araşdırdıqda dünyanın ən kiçik ölkələri kimi məlumatları asanlıqla tapmaq çətindir.
Dünyanın ən kiçik tam müstəqil milli dövləti olan Vatikan 1929-cu ildə Lateran müqaviləsi ilə müstəqilliyini əldə edib. Roma-katolik kilsəsi olan Vatikan xristian dünyasının ən müqəddəs yerlərindən biridir. O, həmçinin Romada Tiber çayının qərb sahilində yerləşir və Britannica ensiklopediyasının 2019-cu il məlumatlarına görə burada 453 nəfər yaşayır.
YUNESKO-nun məlumatına görə, şəhərin ən mühüm sərvətlərindən biri 1475-ci ildə tikilmiş Avropada ilk kütləvi kitabxana olan Vatikan Kitabxanasıdır. Vatikanda 1506-cı ildən bəri Papanın şəxsi təhlükəsizliyinə cavabdeh olan isveçrəli mühafizəçi var. Demək olar ki, bütün ehtiyaclar, o cümlədən ərzaq xaricdən gətirilir. Onun heç bir gəlir vergisi yoxdur və gəlirini dünya üzrə bir milyarddan çox Roma Katolikinin könüllü töhfələrindən əldə edir. Xərclər 1980-ci illərin əvvəllərindən ictimaiyyətə açıqlanır.
Monako Knyazlığı Vatikandan sonra dünyanın ən kiçik müstəqil dövləti və Birləşmiş Millətlər Təşkilatının ən kiçik üzvüdür. Monako təxminən 18,750 nəfər/km² ilə dünyanın ən sıx məskunlaşdığı ölkədir. Rəsmi dil fransız dilidir. 2002-ci ildən rəsmi pul vahidi avrodur. Katoliklik rəsmi dövlət dinidir, lakin bu knyazlıqda bütün dinlər qəbul edilir və din azadlığı Moneqask qanunları ilə qorunur. Ölkə konstitusion irsi monarxiya ilə idarə olunur və üç tərəfdən Fransa ilə əhatə olunub. O da məlumdur ki, o, öz xalqından gəlir vergisi almır.
San Marino İtaliya sərhədləri daxilində yerləşən müstəqil bir ölkədir. 61 kvadrat kilometr ərazini əhatə edir və Vatikan və Monako Knyazlığından sonra Avropanın üçüncü ən kiçik dövlətidir. San Marino iqtisadiyyatı əsasən turizm və bankçılıq üzərində qurulub.
Avropa Birliyinin üzvü olmasa da, şura ilə bağladığı razılaşma sayəsində valyuta kimi avrodan istifadə edir. Bundan əlavə, San Marino 1600-cü ilə aid konstitusiya ilə dünyanın ən qədim davamlı respublikası olduğunu iddia edir.
Sakit Okeanda yerləşən, şimal-qərbdən cənub-şərqə təxminən 676 kilometr uzanan bir zəncirdə səpələnmiş doqquz kiçik mərcan adasından ibarətdir.Tuvalunun ən yüksək nöqtəsi dəniz səviyyəsindən cəmi bir neçə metr yüksəklikdədir. Bu o demək ola bilər ki, gələcəkdə iqlim böhranı kimi hadisələr səbəbindən balans əhəmiyyətli dərəcədə dəyişərsə, təxminən 12.000 nəfərdən ibarət yerli əhali yaşamaq üçün başqa yer tapmalı olacaq.
Nauru Sakit Okeanın cənub-qərbində mərcan rifləri ilə əhatə olunmuş adadır. Fosfat mədənləri adanın daxili hissəsini demək olar ki, tamamilə qısır buraxdığından, insanların çoxu münbit olaraq qalan sahil xətti boyunca yaşayır. Təxminən 14.400 əhalisi olan bu ölkədə Nauru dili milli dildir və dilin adekvat yazılı qrammatikası yoxdur. Asfalt yol sistemi bütün kəndləri birləşdirdiyi üçün adada nəqliyyat yaxşıdır. Təhsil 6-16 yaş arasında məcburidir və tələbələr tez-tez universitet üçün Avstraliyaya gedirlər. Bundan əlavə, Nauru 1968-ci ildən respublika kimi idarə olunur və 1999-cu ildə Birləşmiş Millətlər Təşkilatının tamhüquqlu üzvü olub.
Mənbə: Haber Türk
Aynur Camal
