Empatiya başqa bir insanı dərk etmək, onun duyğularını qəbul etmək və hiss etdiklərini təsəvvür etmək bacarığıdır.
Bəlkə də müasir dünyanın çatışmayan cəhəti budur. Lakin beynəlxalq tədqiqatçılar qrupu araşdırma aparıb və sübut edib ki, hər şey o qədər də pis deyil, çünki bu hiss cəmiyyətdə yayıla bilər. Bu barədə ScienceAlert yazır.
Alimlər 50-dən çox könüllünün iştirakı ilə bir neçə təcrübə aparıblar.
Təcrübələrdə iştirakçılara qoluna ağrılı stimülasyon alan şəxsin videosu nümayiş etdirilib. Daha sonra onlara eyni videoya reaksiya verən digər insanlar göstərilib. Bütün hallarda ekspertlər könüllülərin empatiya səviyyəsini ölçüblər.
Başqalarının rəğbətlə reaksiya verməsini izləmək iştirakçılar üçün təcrübəni artırır, videoya başqaları olmadan baxmaq isə onu azaldır. Sadə dillə desək, empatiya insanlardan və ətraf mühitdən təsirlənə biləcəyi üçün olduqca dəyişkəndir.
Sınaqların birində alimlər beynin müəyyən hissələrinin sinir fəaliyyətini ölçməyə imkan verən maqnit rezonans tomoqrafiyasından (MRT) istifadə ediblər. Əvvəllər empatiya ilə əlaqəli olan ön insulada transformasiyalar görüldü.
MRT nəticələrini təhlil edən alimlər belə qənaətə gəliblər ki, empatiya təqlid və başqalarını sevindirmək istəyi ilə deyil, emosiyaları başa düşməyi real öyrənmək sayəsində dəyişib.
Mütəxəssislər, başqalarına qayğı göstərməyin çoxlu sayda insan bunu nümayiş etdirdiyi təqdirdə icmalara yayıla biləcəyini təklif edir. Ancaq həm də cəmiyyətə görə, empatiya çatışmazlığı ilə “çirklənmə” ehtimalı yüksəkdir.
Mənbə: mail.ru
Aynur Camal
