Ermənistan Praqa və Soçi razılaşmaları əsasında sərhədin delimitasiyasına hazırdır.
“Yeni Gundem” xəbər verir ki, sözləri Ermənistanın baş naziri Nikol Paşinyan sərhəddə erməni tərəfinin törətdiyi təxribatlardan sonra bildirib.
“Eyni zamanda, bütün çətinliklərə baxmayaraq, biz bütün regional məsələlərin, Qarabağ məsələsinin və Ermənistan-Azərbaycan münasibətlərinin sülh yolu ilə diplomatik həlli siyasətinə sadiqliyimizi və iştirakımızı davam etdiririk. Ermənistan da əvvəl elan edilmiş prinsiplər əsasında nəqliyyat və iqtisadi regional marşrutlar açmağa hazırdır”, – Paşinyan bildirib.
Paşinyanın sözlərinə görə, Ermənistan Azərbaycanla sərhəddə qoşunların aynalı çıxarılmasına hazırdır.
“Yerevan Aİ-nin qoşunların Azərbaycanla sərhədin bütün perimetri boyu geri çəkilməsi təklifi ilə razılaşır”.
Fərahim Rəhimov
