İngiltərədə ev axtaranlar qeyri-adi elanla rastlaşıblar. Hempşirdəki evi satışa çıxaran təqaüdçü riyaziyyatçı, evi alana bağ bəzəyi olaraq aldığı döyüş təyyarəsini verəcəyini açıqlayıb.
İngiltərədə yaşayan Peter Robinson Hempşirdəki evini 3,95 milyon funt-sterlinqə satışa çıxarıb. Bu qiymətə onun 2015-ci ildə 100 min funt-sterlinqdən çox xərclədiyi Harrier II GR7 model təyyarəsi daxildir.
Təqaüdçü riyaziyyatçı ömrü boyu bu döyüş təyyarəsinə həvəslə maraq göstərdiyini bildirərək, onu “bağ bəzəyi” kimi gördüyünü bildirib.
“Mən Harrier reaktiv təyyarəsini bəyənən və onu pəncərənin önünə qoyan standart bir oğlanam. Düşünürəm ki, hər kəsdən bir çox cəhətdən fərqlənmirəm. Sadəcə bunu bacardığım üçün şanslıyam. Pəncərənin qarşısına həqiqətən böyük bir şey qoyun” deyib.
Robinson Britaniya Müdafiə Nazirliyinin 2008-ci ildə təqaüdə çıxardığı təyyarəni İpsviçdəki bir şirkətdən aldığını və çətinliklə öz bağına yerləşdirdiyini deyir:
İki qoşqu ilə gəldi, təsəvvür etdiyimdən çox böyük idi. O qədər böyük görünürdü ki, elə bildim ki, Concorde almışam və “Aman Allahım, mən nə etmişəm?” düşündüm.
Hasarlanmış evin sahəsi təxminən 740 kvadratmetrdir. 4 sot torpaq sahəsi, gölməçəsi və 4 otaqlı köməkçi tikilisi də var.
Əgər potensial alıcı təyyarəni istəmirsə, Robinson deyir ki, ya özü üçün saxlayacaq, ya da muzeyə bağışlayacaq.
Mənbə: TrtHaber
Aynur Camal
