İsrail və Konqo arasında gizli görüş: Qəzzadakı fələstinlilərin Konqoya deportasiyası ilə bağlı danışıqların aparıldığı məlum olub.
İsrailin verdiyi açıqlamada, “Onlar immiqrantları qəbul etməyə razı olacaqlar. Başqaları ilə də danışıqlarımız var” deyib. İsrail Qəzzada yaşayan fələstinliləri köçürmək planları hazırlayır.
Bildirilir ki, Təl-Əviv rəsmiləri Konqo və digər ölkələrlə gizli görüşlər keçirir. Danışıqlar zamanı fələstinlilərin məcburi köçü müzakirə olunur.
Hazırda Qəzzada 1,9 milyon fələstinli İsrail ordusunun hücumları səbəbindən didərgin düşüb. İsrail kabinetində ifrat sağçı fiqurlar tez-tez Qəzzada fələstinlilərin “könüllü köçündən” danışırlar.
“Zman Yisrael” qəzetinə danışan adı açıqlanmayan İsrail rəsmiləri, Konqonun “Qəzzanı qəbul etməyə razı olacağını” iddia edərək, bu mövzuda digər ölkələrlə də danışıqlar aparıldığını bildirib.
“Konqo immiqrantları qəbul etməyə hazır olacaq və biz başqaları ilə danışıqlar aparırıq” deyə İsrail rəsmisi bildirib.
Qəzzada kənd təsərrüfatı sahələri də hədəfə alınıb.
Xəbərdə Təl-Əvivin danışıqlar apardığı ölkənin Konqo Respublikası və ya Konqo Demokratik Respublikası (DRC) olması ilə bağlı təfərrüatlara yer verilməsə də, İsrailin DRC ilə sıx əlaqələri var.
Dünən İsrail parlamentində Knessetdə çıxış edən İsrailin Kəşfiyyat Naziri Gila Gamliel hücumlardan sonra “Həmas rəhbərliyinin çökəcəyini və mülki əhalinin tamamilə humanitar yardımdan asılı olacağını” iddia edərək əlavə edib: “İş yerləri (imkanlar) olmayacaq və Qəzzadakı kənd təsərrüfatı torpaqlarının 60 faizi təhlükəsizlik məqsədi ilə istifadə olunacaq. Bufer zonaya çevriləcək” ifadəsini işlədib.
Qamliel, “Qəzza üçün yeganə həll yolunun bölgədə yaşayan fələstinlilərin könüllü köçü olduğunu” iddia edərək, beynəlxalq ictimaiyyətin buna dəstək verməsi lazım olduğunu müdafiə edib.
ABŞ Dövlət Departamentinin sözçüsü Metyu Miller İsrail nazirləri Bezalel Smotrich və Itamar Ben Gvirin “Fələstinlilərin Qəzza zolağına könüllü köçü” ilə bağlı açıqlamalarını “təxribatçı və məsuliyyətsiz” adlandırıb.
Maraqlana bilərsiniz İsrailli nazirlər fələstinlilərin “könüllü köçünü” gündəmə gətirirlər.
İsrailin ifrat sağçı milli təhlükəsizlik naziri İtamar Ben-Qvir və maliyyə naziri Bezalel Smotriç “Fələstinlilərin Qəzza zolağından bölgədən könüllü köçünü dəstəklədiklərini” açıqlayıblar.
Ben-Qvir X sosial media platformasındakı paylaşımında köç edəcək fələstinlilərin məskunlaşması ilə bağlı “Dünyada bizə kömək edəcək ortaqlarımız var” deyib. O, aşağıdakı ifadələrdən istifadə edib, lakin bu tərəfdaşların kimlər və hansı ölkələr olduğu barədə məlumat verməyib.
İsrail ordusu radiosunun məlumatına görə, ifrat sağçı maliyyə naziri Smotriç də “Qəzza zolağı üçün doğru həll qaçqınları qəbul edən ölkələrə könüllü miqrasiyanı təşviq etməkdir” deyib.
Mənbə: EnSonHaber
Aynur Camal
