Fransa hərbi çevrilişdən sonra səfirinin persona non qrata elan edildiyi Nigerdəki səfirliyini bağlayır. Ölkədəki 1500 fransız əsgərinin çoxu getdiyi halda, qalan 157 fransız əsgərinin bu gün tərk edəcəyi gözlənilir.
İyulun 26-da Nigerdə baş verən çevrilişdən sonra xunta rəhbərliyi Fransadan ölkədəki bazalarını bağlamağı və əsgərlərini ölkədən çıxarmağı tələb etdikdən sonra Fransa ilə Niger arasında münasibətlər pisləşib. Fransanın Niameydəki səfiri Silvain İtte ölkəni tərk etdikdən sonra Fransanın Nigerdəki səfirliyini bağlamaq qərarına gəldiyi qeyd edilib.
Səfirliyin açıqlamasında “Nigerdə hərbi hökumətin tətbiq etdiyi məhdudiyyətlər səbəbindən artıq öz vəzifələrini normal şəkildə yerinə yetirə bilməyəcəyi” qeyd edilib. Səfirliyin bağlanacağı ilə bağlı bəyanat Nigerdəki fransız əsgərlərinin ölkəni tərk etmələri üçün son tarixdən bir qədər əvvəl edilib. Ölkədəki 1500 fransız əsgərinin çoxu getdiyi halda, qalan 157 fransız əsgərinin bu gün tərk edəcəyi gözlənilir.
Niger prezidenti Mohamed Bazoum iyulun 26-da Prezident sarayında Mühafizə alayı tərəfindən saxlanılıb və daha sonra Prezident Mühafizə Alayının komandiri general Ömər Çiani özünü ölkənin yeni lideri elan edib. Qoşunlarını ölkədən çıxarmaq istəyən Nigerin Fransa ilə münasibətləri pisləşdi və Niger Xarici İşlər Nazirliyi Fransanın Niameydəki səfiri Silvain İtteyə avqustun 25-də ölkəni tərk etməsi üçün 48 saat vaxt verib. Bununla belə, Fransa prezidenti Emmanuel Makron Niger tərəfindən toxunulmazlığı ləğv edilən Ittenin vəzifəsini davam etdirəcəyini açıqlayıb. Itte sentyabrın 27-də Nigeri tərk edib.
Mənbə: hurriyyət.tr
Aynur Camal
