İşğalçı İsrail qüvvələrinin iyrənc təbliğatı! Günahsız fələstinliləri “terrorçu” elan edərək əvvəlcə onları qarət edib, sonra isə əllərini qandallayıblar.
İşğalçı İsrail qüvvələri tərəfindən bir müddət əvvəl Qəzzada əlləri qandallı və yarıçılpaq əsir götürülən və “terrorçu” elan edilən fələstinlilərin 10-15 faizinin HƏMAS-la əlaqəsi olduğu üzə çıxıb. İsrail qüvvələrinin adi Fələstin vətəndaşlarına işgəncə verərək yayımladığı görüntülərin ziddiyyətlərlə dolu olduğu öyrənilib.
İsrail təhlükəsizlik qüvvələri, işğal altındakı Qəzza zolağında əlləri qandallı və yarıçılpaq saxlanılaraq birgə “terrorçu” kimi təqdim etdikləri fələstinlilərin təxminən “10-15 faizi”nin HƏMAS-a bağlı olduğunu bildirib.
İsrailin Haaretz qəzetinə danışan İsrail təhlükəsizlik qüvvələri, son günlər Qəzza zolağında İsrail qüvvələri tərəfindən nəzarətə alınan və əlləri qandallı fotoşəkilləri təqdim edilən yüzlərlə fələstinlinin təxminən 10-15 faizinin “HƏMAS üzvləri və ya təşkilatla eynilikləri” olduğunu bildirib.
İsrail təhlükəsizlik qüvvələri saxlanılanlar arasında HƏMAS üzvü olmayan fələstinlilərin də azad edildiyini qeyd edib.
Bundan əlavə, mənbələrin məlumatına görə, bu vəziyyətin “HƏMAS-ın bütün bölmələrinin kütləvi şəkildə təslim olması və silahlarını İsrail təhlükəsizlik qüvvələrinə təhvil verməsi” demək olmadığı qeyd edilib.
“Buna baxmayaraq, təhlükəsizlik rəsmiləri iddia edir ki, məhbusların dərc olunmuş fotoşəkilləri hələ də Qəzzada döyüşən təşkilat üzvlərinin motivasiyasına güclü təsir göstərir” deyə bəyanatlar daxil edilmişdir.
Günlərdir ki, İsrail ordusu tərəfindən saxlanılan, alt paltarına qədər soyundurulmuş, gözləri bağlı və əlləri qandallanmış, diz çökdürülmüş fələstinli mülki şəxslərin foto və görüntüləri yayımlanır.
İsrail ordusu və dövlət rəsmiləri bu şəxsləri “əvvəlcədən terrorçu və silahları ələ keçirilənlər” kimi təqdim edərkən, bu şəxslərdən bəziləri azadlığa buraxıldıqdan sonra işgəncələrə məruz qaldıqlarını və onlara qarşı cinayət işi açıla bilməyəcəklərini deyirlər.
İsrail ordusunun yarıçılpaq fələstinliləri saxlamasına verilən reaksiyaların ardından İsrail mediasında “terrorçuların dekabrın 9-da silahları ilə təslim olduqları” iddiası ilə bəzi görüntülər yayılıb.
Görüntülərdə soyunmağa məcbur edilən onlarla insandan ordunun ələ keçirdiyini iddia etdiyi piyada tüfənglərinin sayı bir neçə nəfərdən çox deyil.
Görüntülərdə İsrail əsgərlərinin “təhlükəsizlik məqsədilə” fələstinliləri alt paltarına qədər soyundursalar da, görüntüləri çəkənə qədər onlara aid olduğunu iddia etdikləri silahları müsadirə etməmələri ziddiyyət kimi qeyd edilib. Digər tərəfdən, təslim olanlardan birinin silahını qaldıraraq əsgərlərin istədiyi yerə qoyduğu anların iki fərqli görüntüsünün təqdim edildiyi üzə çıxıb.
Görüntülərdə silahı təhvil verdiyi iddia edilən şəxsin kimliyinin Qəzzada alüminium sexinin sahibi Muin Kesta əl-Misri olduğu diqqət çəkib. İsrail Misrinin iddia edildiyi kimi Həmas üzvü olduğunu təsdiqləyən heç bir sübut təqdim etməyib.
Mənbə: Ahaber
Aynur Camal
