“Euronews” xəbər verir ki, Hindistanın Qucarat əyaləti ətrafındakı sularda yük gəmisinə İrandan atılan pilotsuz uçuş aparatının hücumundan sonra, Hindistanın dəniz donanması Ərəb dənizində çəkindirici varlığını qorumaq məqsədilə idarə edilən raketlər daşıyan esmineslər yerləşdirəcəyini açıqlayıb.
“Ərəb dənizdəki son hücumları nəzərə alaraq, Hindistanın Hərbi Dəniz Qüvvələri çəkindirici gücünü qorumaq üçün Murmuqao, Koçi və Kəlküttə idarə olunan raket esmineslərini müxtəlif ərazilərdə yerləşdirəcək”, – deyə, Hindistan hökuməti bəyanatında bildirib.
Bu addımın İranın Ərəb dənizindəki son hücum dalğasına cavab olduğunu vurğulayan Hindistan, bölgəyə Boeing P-8 dəniz patrul təyyarəsi də göndərəcəyini açıqlayıb.
Mənbə: Azad İran
Aynur Camal
