Yunanıstanın indiyə qədər qeydə alınan ən isti qışı yaşadığı açıqlanıb. Yunanıstan Meteorologiya İdarəsi Aİ tərəfindən maliyyələşdirilən Kopernik İqlim Dəyişikliyi Xidmətinin (C3S) məlumatları əsasında təhlil aparıb.
Təhlillərə görə, 2023-2024-cü illərin qışı Yunanıstanda indiyə qədər qeydə alınan ən yüksək temperatur qışı olub.
2023-cü ilin dekabr, 2024-cü ilin yanvar və fevral aylarında ölkə ərazisində havanın temperaturu mövsümi normadan yüksək olub.
Yunanıstanın son 10 ildə rekorda çatan ən isti 6 qışının yaşandığı vurğulanıb.
Yunanıstanda qışda temperatur 1960-cı ildən bəri 1,8 dərəcə artaraq 11 dərəcəni keçib.
Mənbə: TrtHaber
Aynur Camal
