Qəzzə hökumətinin Media İdarəsi bildirib ki, işğalçı sionist rejim oktyabrın 7-dən bu yana Qəzzanı 65 min tondan çox partlayıcı ilə bombalayıb.
İdarədən verilən açıqlamada, işğal rejiminin 7 oktyabrdan bu yana Qəzzaya 45 mindən çox raket və bomba atdığı, 3 nüvə bombasına bərabər 65 min tondan çox partlayıcı istifadə etdiyi bildirilib.
Bəyanatda, işğalçı sionist rejimin qəsdən atdığı bombalar səbəbilə bəzən yüzlərlə insanın hətta tək bir bombardmanda şəhid olduğu bildirilib və istifadə edilən bombaların əksəriyyətinin idarə olunmayan və dəqiq olmayan bombalar olduğuna diqqət çəkilib və əlavə edilib: “Bu vəziyyət işğalın, beynəlxalq hüququn və müxtəlif beynəlxalq müqavilələrin açıq şəkildə pozulmasıdır. Bu, qəsdən, ayrı-seçkilik etmədən və ədalətsiz qətllərə işarə edir” deyilib.
Bəyanatın davamında aşağıdakılar qeyd olunub:
“İşğal ordusunun istifadə etdiyi beynəlxalq səviyyədə qadağan olunmuş bu silahların ən bariz əlamətləri və təhlükələri bir neçə saniyə ərzində mümkün qədər çox qurbana səbəb olan kütləvi qətllər və yaralanmalardır. Yüzlərlə şəhidin şəhid olduğu Rimal, Cibaliye, Şücaiyyə və Büreyc bölgələri eyni zamanda buna misaldır.
Bu silahlar həm də qurbanlara deformasiyalar, daimi əlilliklər, əzaların amputasiyası kimi daimi ziyan vurur və bu, bütün xəstəxanalarda, xüsusən də zərərçəkənlərdə və yaralananlarda açıq şəkildə müşahidə olunur.
“Əhəmiyyətli ətraf mühit çirklənməsi ilə yanaşı, zəhərli radiasiya yayaraq illər və nəsillər boyu hava, su və ətraf mühitin çirklənməsinə səbəb olur”- deyə bildirilib.
Mənbə: İLKHA
Aynur Camal
