“Yeni Gundem” xəbər verir ki, İsraillə HƏMAS arasında minlərlə dinc sakinin həyatını itirdiyi qanlı toqquşmalar davam edərkən bölgədən daha bir diqqətçəkən xəbər gəldi.
İsrail HƏMAS-ın baş komandanı Məhəmməd Deyfin əl-Əqsa daşqını planlayıcısı olduğunu iddia etdiyi atasının evini raketlərlə vurub. İsrail mediası hücumda Deyfin qardaşı, oğlu və qardaşının nəvəsinin həlak olduğunu bildirib.
MUHAMMED DEIF KİMDİR?
Əsl adı Deif kimi tanınan Məhəmməd Diyab İbrahim əl-Məsridir və Qəzzada hər gecə başqa bir evdə qaldığı üçün ləqəbi “Qonaq”dır.
O, HƏMAS-ın hərbi qanadının komandiri olsa da, onun yaxın çevrəsində çox adam yoxdur.
1965-ci ildə Xan Yunisdəki qaçqın düşərgəsində anadan olan Deif 1980-ci illərin ortalarında HƏMAS qurulan zaman gənc fələstinli idi.
Bir çox fələstinli kimi yoxsulluq içində böyüyən Deif erkən yaşda məktəbi tərk edərək işləməyə başlayıb. Həmas komandirinə yaxın olanlar onu mehriban, zarafatcıl və yaxşı insan kimi xarakterizə edirlər.
HƏMAS-ın gənclər strukturunun bir hissəsi olan Deif 1987-ci ildə universitetə qayıdıb. Deif bir il sonra Qəzza Universitetindən diplom alarkən, teatrla da məşğul olub.
İki il sonra İsrail Deyfi həbs edir və məhkəməsiz 16 il həbsxanaya göndərir. Həmin vaxt onunla görüşənlər deyirlər ki, Deif kiçik yaşlarından müharibəni İsrail ərazisinə gətirmək istəyib.
Deyfin fikrincə, israillilərin işğal olunmuş torpaqlarda rahat yaşamaq fantaziyaları məhv edilməli idi. Bununla əlaqədar olaraq həbsdən çıxandan sonra Deif Qəssam Briqadalarının yaradılması üçün çalışıb.
1996-cı ildə Şimon Peres Fələstin lideri Yasir Ərafatdan Deyfin həbsini istəyib. Ərəfat bu adı ilk dəfə eşitdiyini bildirib. Peres illər sonra verdiyi açıqlamada Ərəfatın Deyfi şəxsən müdafiə etdiyini çox sonra anladığını bildirib.
Salah Şehadenin öldürülməsindən sonra Deif 2002-ci ildə Qəssam Briqadalarının rəhbəri təyin edilib.
İsraillilər Deyfi dəfələrlə öldürməyə cəhd ediblər. Kəşfiyyat məlumatlarına görə, onlar ona bir neçə dəfə ağır xəsarətlər yetiriblər. Deif texnoloji cihazlardan istifadə etmir və çox insanla görüşmür; O, 2001, 2002, 2003 və 2006-cı illərdə ona qarşı edilən sui-qəsd cəhdlərindən sağ çıxıb.
İsrail rəsmilərinin bildirdiyinə görə, Deyf yeriyə bilmir və sui-qəsd cəhdləri nəticəsində bir gözünü itirib. Həmas bu iddiaları nə təsdiq, nə də təkzib edir. Deyfin son fotoları yoxdur və onun Həmas adından yazılarında Deif siluet kimi görünür.
Mənbə: TGRT
Aynur Camal
