Vatikanın dövlət katibi kardinal Pietro Parolin, İsrailin hücumlarında çox sayda insanın həyatını itirdiyini və İsrailin Qəzzaya hücumlarını dayandırması çağırışının geniş yayıldığını bildirib.
İtaliya ilə Vatikan Dövləti arasında münasibətləri tənzimləyən 11 fevral 1929-cu il tarixli Lateran sazişinin 95-ci ildönümü münasibətilə ənənəvi olaraq iki dövlət arasında yüksək səviyyəli siyasi məsləhətləşmələr keçirilmişdir.
İtaliyanın Romadakı səfirliyi olan Borromeo sarayında Vatikanın dövlət katibi (baş nazir) kardinal Parolin və Vatikanın dövlətlər və beynəlxalq təşkilatlarla əlaqələr üzrə katibi (xarici işlər naziri) Monsenyor Paul Riçard Qallager, İtaliyalı Prezident Sercio Mattarella, baş nazir Giorgia Meloni və baş nazirin müavini və xarici işlər naziri Antonio Tajani iştirak edirdi.
“İsrailin dayanmasını istəyən ümumi fikir var”.
Görüşlərdən sonra mətbuata açıqlama verən kardinal Parolin dünyada baş verən böhranları müzakirə etdiklərini, İtaliya ilə Vatikanın narahatlıqlarının üst-üstə düşdüyünü bildirib.
Kardinal Parolin Yaxın Şərqdəki vəziyyətə toxunaraq, “İsraildən dayanmasını tələb edən, bu yolla davam edə bilməyəcəyi və Qəzza problemini həll etmək üçün başqa yollar tapmalı olduğumuz haqqında ümumi bir fikir var” deyib.
Parolin, Vatikan olaraq bunu əvvəldən dediklərini, eyni zamanda antisemitizmi pislədiklərini ifadə edərək, “Eyni zamanda İsrailin müdafiə hüququnun mütənasib olması tələbi var ki, bu, açıq-aşkar deyil. 30 min ölü ilə dava faktı ortadadır” deyib.
Kardinal Parolin bununla belə ümidlərini itirməməli olduqlarını qeyd edib.
Mənbə: EnSonHaber
Aynur Camal
