İsrailin Qəzzada xəstəxananı bombalamasının əks-sədası davam edir. Hücumdan dərhal sonra İDF fəlakətin Fələstinin atdığı raket səbəbindən baş verdiyini iddia edərək, məsuliyyəti rədd edib.
Bu tezisi müdafiə edən İsrail qanadı Əl-Cəzirənin görüntülərindən istifadə edib.
İsrailin paylaşımlarına diqqət çəkən Əl-Cəzirə İsrailin paylaşdığı “dəlilləri” araşdırıb və gəldiyi nəticəni dünya ictimaiyyəti ilə bölüşüb.
“Əl-Cəzirə”nin rəqəmsal araşdırması İsrail ordusunun Qəzzadakı Əl Əhli Ərəb xəstəxanasına hücumun uğursuz raket atışı nəticəsində baş verdiyini iddia etməsi üçün heç bir əsas tapmayıb.
İsrail Qəzza zolağına endirdiyi hava zərbələrində xəstəxananı hədəf alıb. Qəzzada yerləşən Baptist Xəstəxanasının (Əl Əhli Ərəb Xəstəxanası) İsrail döyüş təyyarələri tərəfindən bombalandığı və çox sayda insanın yaralandığı bildirilib.
O, xəstəxanaya hava hücumu nəticəsində uşaqların da olduğu yüzlərlə insanın həyatını itirdiyini açıqlayıb.
“İSRAİL MÜHARİBƏ CİNAYƏTİ TÖRƏTDİ”
Fələstin Hökumətinin Qəzzadakı Media Ofisinin rəhbəri Salam Maruf verdiyi açıqlamada hücumlarda evləri dağıdılan fələstinlilərin xəstəxanaya sığındığını, minlərlə fələstinli köçkün olduğu halda İsrail döyüş təyyarələrinin xəstəxananı vurduğunu bildirib. Maruf, İsrailin müharibə cinayəti işlədiyini ifadə edərək, “Hücum səbəbiylə Şəfa Tibb Kompleksinə onlarla ölü və yaralı gətirildi” deyib.
İsrail tərəfi isə Fələstinin atdığı raketi günahlandıraraq iddiasını sübuta yetirmək üçün bir sıra sənədlər və səs yazılarını yayıb. İsrail özünü müdafiə edərkən Əl-Cəzirənin görüntülərindən istifadə edib.
Bu arqumentdən istifadə edənlər arasında İsrailin baş naziri Netanyahuya yaxın simalardan biri kimi tanınan Hananya Naftali də var.
İsrailin paylaşımlarına diqqət çəkən Əl-Cəzirə İsrailin paylaşdığı “dəlilləri” araşdırıb və gəldiyi nəticəni dünya ictimaiyyəti ilə bölüşüb.
“Əl-Cəzirə”nin rəqəmsal araşdırması İsrail ordusunun Qəzzadakı Əl Əhli Ərəb xəstəxanasına hücumun uğursuz raket atışı nəticəsində baş verdiyini iddia etməsi üçün heç bir əsas tapmayıb. Bu dezinformasiyanı yayanlardan biri Naftalı tərəfindən etirafa bənzər paylaşım edilib.
Naftali sosial media hesabında “İsrail Hərbi Hava Qüvvələri Qəzzadakı xəstəxananın içərisində Həmas terrorçu bazasını vurdu” yazmışdı, lakin ölənlərin sayı artdıqdan sonra paylaşımını silmişdi.
Naftalı həmçinin İsrailin xəstəxananı vurması xəbərini səhvən paylaşdığını iddia edib. “Əl-Cəzirə”nin hesabatında “Məsuliyyətin inkar edilməsi və sosial media yazılarının silinməsi İsrailin hücuma baxışı ilə bağlı şübhələr yaradır” deyilib.
Mənbə: hurriyyət.tr
Aynur Camal
