Konqres turizminin qabaqcıl destinasiyalarından biri olan İstanbul 25-30 aprel tarixlərində Dünya Xor Musiqisi Simpoziumuna (WSCM) ev sahibliyi edəcək.
”Yeni Gundem” xəbər verir ki, Türkiyə Cümhuriyyəti Mədəniyyət və Turizm Nazirliyinin ev sahibliyi edəcəyi simpozium, Atatürk Mədəniyyət Mərkəzi başda omaqla Beyoğlunun tarixi məkanlarında dünyanın ən yaxşı xor kollektivlərini və ekspert natiqlərini bir araya gətirəcək.
Konqres turizmində (MICE) dünyanın aparıcı şəhərlərindən biri olan İstanbul, bənzərsiz məkanları və qonaqlama yerləri ilə hər il bir çox konqres və iclaslara ev sahibliyi edir. İstanbulun bu yaz ev sahibliyi edəcəyi ən mühüm təşkilatlardan biri isə Beynəlxalq Xor Musiqisi Federasiyasının (IFCM) son altı ilin ən böyük tədbiri olan Dünya Xor Musiqisi Simpoziumu (WSCM) olacaq. 25-30 aprel tarixləri arasında baş tutacaq simpozium pandemiyadan sonra dünya miqyasında ilk xor toplantısıdır.
Dünya Xor Musiqisi Simpoziumunun İstanbul Tematikası belədir: birlikdə mahnı oxumaq ənənəsini şərəfləndirmək, dünyanın müxtəlif coğrafiyalarını təmsil etmək və xor musiqisinin mümkün qədər çox və çeşidli formalarını əhatə etmək üçün “Dəyişən Üfüqlər”.
Konqres turizmində illərin təcrübəsinə malik olan ev sahibi İstanbul, Beyoğlunun ikonik məkanlarında beş qitədə 28 fərqli ölkədən 50-dən çox natiq, mindən çox sənətçi və 2000-dən çox iştirakçını bir araya gətirəcək. Proqram xor musiqisinin mövcud dünyasını, eləcə də birlikdə mahnı oxumağın yaxın və uzaq gələcəkdə necə görünəcəyini kəşf edəcək.
İstanbulun İkonik və Tarixi Məkanlarında Unudulmaz Konsertlər
Simpozium proqramında xor musiqisində bir sıra üslub və ənənələr var. Həm Türkiyədən, həm də xaricdən gələn sənətçilərin diqqətini cəlb edən bir sıra konsert, sərgi, seminar və tədbirlərdən ibarət olan tədbir, mədəniyyətləri əhatə edən və sivilizasiyaları bir araya gətirən musiqinin birləşdirici təsirini təbliğ edir. Simpoziuma Türkiyədən 30-dan çox xor qrupu ilə yanaşı xaricdən xüsusi dəvət olunmuş 11 xor qrupu qatılacaq. Beyoğlunun Qalata Mövləvi Evi, Müqəddəs Antuan Kilsəsi və Böyük Pera kimi məşhur tarixi məkanlarında hər axşam 40-dan çox türk və xarici xor qrupunun çıxışı nümayiş etdiriləcək .
Dünya Xor Musiqisi Simpoziumu çərçivəsində Atatürk Mədəniyyət Mərkəzinin şanlı səhnəsində Estoniyadan Grammy mükafatlı Estoniya Filarmoniyasının Kamera xoru, İndoneziyadan Batavia Madrigal Müğənniləri, Livandan Fayha Milli Xor, ABŞ-dan Georgia Dövlət Universitetinin müğənniləri və Qabondan Le Chant Sur La Lowe, habelə İspaniyadan Leioia Kantika Korala, Puerto Rikodan Orfeon San Juan Bautista, İsveçdən Sofia Vokalensemble, Tayvandan Taypey Filarmoniyasının Kamera xoru, Kanadadan Vankuver Gənclər Xoru və Türkiyədən Dövlət Xoru iştirak edəcəkdir. Axşam konsertlərinə dəvət olunmuş xor kollektivləri Dəyişən Üfüqlər mövzusu çərçivəsində Simpozium üçün xüsusi olaraq hazırlanmış əsərlərinin premyeralarını edəcəklər.
Dünya Xor Musiqisi Simpoziumunun proqramı haqqında ətraflı məlumatı təşkilatın web saytından əldə edə bilərsiniz:
