Ukrayna Qarapapaq Türkləri Milli Şurası (UQTMŞ) Sədri Daşqın Gülməmmədov Karlo Marinonu, Ukrayna Qarapapaq Türkləri Milli Şurasının “Xüsusi Xidmətlərə görə” ordeni ilə təltif edib.
Bu barədə “Yeni Gündəm”-ə Ukrayna Qarapapaq Türkləri Milli Şurasının Mətbuat Xidmətindən məlumat veriblər.
Məlumatda bildirilir ki, 12 yanvar 2021-ci il tarixdə Ukrayna Qarapapaq Türkləri Milli Şurasının (UQTMŞ) Sədri Daşqın Gülməmmədov, İtaliya vətəndaşı, beynəlxalq səviyyədə tatnınmış jurnalist, İtaliya və Avropa elm və ictimai xadimi, Böyük Britaniya və İrlandiya Kral Asiya Cəmiyyətinin üzvü Karlo Marinonu İnsanlığa xidmətlərinə görə “Xüsusi Xidmətlərə görə” ordeni ilə təltif olunması barədə əmr imzalayıb.
Karlo Marino, Azərbaycanın Ermənistan işğalçılarına qarşı apardığı 44 günlük Vətən müharibəsində haqlı və ədalətli mövqeyinin dəstəklənməsində mətlik göstərmiş, Azərbaycana qarşı aparılan informasiya hucumlarının və müxtəlif ideloji təxribatların fonunda qətiyyət nümayiş etdirərək Avropa və dünya KİV-də, ictimai rəyində əsl həqiqətlərin açıqlanmasına, yayımlanmasına səbəbkar olmuşdur.
