Tailandda körpüdə yol vermək üstündə mübahisə nəticəsində yaranan davada sürücülərdən biri maşını ilə digər avtomobili vuraraq çaya uçub. Çaya düşən avtomobildə olan iki nəfər ölüb.
Ötən gecə Taylandın Ratçaburi əyalətində çayın üzərindəki körpüdə iki sürücü arasında yol verməklə bağlı mübahisə toqquşmaya çevrilib.
Nəqliyyat vasitəsinin kamerasına əks olunan görüntülərdə körpüdə olan avtomobillərdən birinin əvvəlcə geriyə manevr etdiyi, daha sonra isə əks istiqamətdə olan avtomobilə güclü şəkildə çırpıldığı görülüb. Sürücü ikinci manevr edərək avtomobili vurduqdan sonra idarəetməni itirərək çaya düşüb.
Suya düşən avtomobilin sürücüsü və bir nəfəri avtomobildən çıxa bilsələr də, sürücünün həyat yoldaşı və atası dünyasını dəyişib. Çayın dibinə düşən avtomobil daha sonra qaldırıcı kran vasitəsilə sudan çıxarılıb, hadisə ilə bağlı araşdırma başlanıb.
Mənbə: hurriyyət.tr
Aynur Camal
