“M/V Central Park” adlı ticarət gəmisi dünən Ədən körfəzində dəniz quldurluğu ilə mübarizədə öz qüvvələrindən kömək istədiyini bildirib.
Açıqlamada ABŞ Hərbi Dəniz Qüvvələrinə aid “USS Mason (DDG 87)” adlı esminesinin Central Parkın kömək çağırışına cavab verdiyi və gəminin buraxılmasını tələb etdiyi, 5 silahlı şəxsin gəmiyə minərək qaçmağa çalışdığı bildirilib.
Həmçinin sözügedən silahlı şəxslərin USS Mason esminesi tərəfindən ələ keçirildiyi, Central Park gəmisinin və heyətinin təhlükəsiz olduğuna diqqət çəkilib.
ABŞ Mərkəzi Komandanlığı (CENTCOM) Ədən körfəzində ticarət gəmisini ələ keçirməyə cəhd edən 5 silahlı şəxsin ələ keçirildiyini açıqlayıb.
Açıqlamada Yəməndə husilərin nəzarətində olan bölgələrdən saat 01.41 radələrində USS Mason və Central Park gəmiləri istiqamətində 2 ballistik raketin atıldığı açıqlanıb və ballistik raketlərin bölgəyə düşdüyü paylaşılıb. Aden körfəzi, gəmilərdən 10 mil uzaqlıqda olub.
Kəşfiyyat şirkəti Ambrey, Zodiac şirkəti tərəfindən idarə olunan İsrailə bağlı “Central Park” tankerinin Ədən sahillərində naməlum şəxslər tərəfindən qaçırıldığını açıqlamışdı.
Qeyd edilib ki, Yəməndə İranın dəstəklədiyi husilər İsrail şirkətlərinə məxsus gəmiləri hədəf alacaqları ilə hədələmişdilər.
Mənbə: TrtHaber
Aynur Camal
