Yeni Zelandiyada yeni qurulan koalisiya hökuməti ilk 100 günlük fəaliyyət planı çərçivəsində məktəblərdə mobil telefonları qadağan etməyi planlaşdırır.
Bazar ertəsi baş nazir postunu tutan Kristofer Lukson hökumətin 49 tədbiri əhatə edən 100 günlük fəaliyyət planını açıqlayıb. Hökumətin təhsil sahəsində atacağı addımlar arasında məktəblərdə mobil telefondan istifadənin qadağan edilməsi, hər gün bir saat oxuma, yazma və riyaziyyat dərslərinin məcburi edilməsi də var.
Bundan əlavə, Baş nazir Luxon qeyd edib ki, tədbirlər planı çərçivəsində buraxılması planlaşdırılan ilk qanun Mərkəzi Bankın yalnız inflyasiyanın nəzarətdə saxlanmasına diqqət yetirmək səlahiyyətini daraldacaq.
Luxon, 2008-ci ildən sonra doğulanların ömürlük siqaret almasına mane olan və 2022-ci ildə Parlamentdə qəbul edilən və 2024-cü ildə tətbiq edilməsi planlaşdırılan qanunu ləğv edəcəyini də açıqladı. Ləğv ediləcəyi açıqlanan qanun çərçivəsində mövcud siqaret satıcılarının 90 faizinə satış qadağasının qoyulması və siqaretlərdəki nikotinin miqdarının azaldılması da nəzərdə tutulurdu.
İlk 100 günlük fəaliyyət planına bərpa olunan enerji istehsalının ikiqat artırılması da daxildir.
Mənbə: TGRT
Aynur Camal
