ABŞ-ın Nyu-Cersi ştatında afro-amerikan icmasına aid məscidin imamı Həsən Şərif səhər namazı vaxtı silahlı hücum nəticəsində həyatını itirib.
Rayon prokurorunun müavini Theodore N. Stephens II bir çox rəsmilərin iştirak etdiyi mətbuat konfransında bildirib ki, “Məscid Məhəmməd” imamı Həsən Şərif səhər namazını qılmaq üçün gəldiyi məscidin dayanacağında naməlum silahlı basqınçı tərəfindən öldürülüb.
Birdən çox güllə dəyən imamın həyatını xilas etmək mümkün olmayıb.
Stiven II hücumçunun Nyuarkdakı camaatının əksəriyyəti qaradərili müsəlmanlardan ibarət olan məscidin yaxınlığındakı Şərifə çoxlu güllə atıb. Bütün səylərə baxmayaraq hadisəni törədən qaçıb xilas olub.
Səlahiyyətlilər hadisənin səbəbini hələ bilmədiklərini vurğulayıblar, lakin toplanmış sübutları nəzərə alsaq, qətl “anti-müsəlman qərəzinə və ya məişət terroru cinayətinə dəlalət etmir”. Məlumat verənlərə 25 min dollar mükafat veriləcək.
Press-relizdə danışan ştatın vəkili Mett Platkin deyib:
“Biz bu günahkarları ədalət qarşısında cavablandıracayıq. Lakin İmam Şərifi öz yaxınlarına və ümmətinə qaytarmaq üçün əlimizdən heç nə gəlmir. Bu yara heç vaxt tam sağalmayacaq” deyib.
Platkin bildirib ki, səlahiyyətlilər amerikalı imamın avtomobilində olarkən onun ölümünə səbəb olan bir neçə dəfə atəş açan şübhəlini məsuliyyətə cəlb edəcəklər.
Bu qətl xəbərinin müsəlman cəmiyyətinin qorxu və narahatlığını artırdığını ifadə edən Platkin, istintaqın irəliləməsi üçün məlumat paylaşan hər kəsə 25 min dollar mükafat veriləcəyini açıqlayıb.
O, dinlərarası ittifaqı dəstəkləyirdi
Newark İctimai Təhlükəsizlik Direktoru Fritz Frage qeyd edib ki, Şərif beş ildir eyni məsciddə imam olub və Nyuarkda dinlərarası ittifaq fəaliyyətlərinə böyük dəstək verib.
Digər tərəfdən, Nyu-Cersi qubernatoru Fil Mörfi də hücumla bağlı açıqlamasında belə deyib:
“Müsəlman icmasının qərəzli insidentlərin və cinayətlərin artmasından narahat olduğu bir vaxtda mən əmin etmək istəyirəm ki, biz müsəlman icmasının və bütün dinlərə mənsub insanların, xüsusən də ibadət yerlərinin yaxınlığındakı bütün sakinlərin təhlükəsizliyini təmin etmək üçün əlimizdən gələni edəcəyik”.
Mənbə: EnSonHaber
Aynur Camal
