Qırğızıstanın paytaxtı Bişkekdə təlim uçuşu zamanı Mi-8 hərbi tipli helikopterin qəzaya uğradığı bildirilib. Rəsmi xəbər agentliyi “Kabar”ın məlumatına görə, Qırğızıstan Müdafiə Nazirliyinə məxsus poliqonda təlim uçuşu həyata keçirən Mi-8 tipli hərbi helikopter eniş zamanı qəzaya uğrayıb.
Xəbərdə qəzada yaralananların olduğu və hadisə ilə bağlı araşdırmalara başlanıldığı bildirilib. Qırğızıstan Baş Qərargahından verilən açıqlamada qəzada 1 əsgərin öldüyü, 8 nəfərin yaralandığı bildirilib. Yaralılardan 4-nün reanimasiyaya aparıldığı, 1-nin vəziyyətinin ağır olduğu bildirilib.
Qəzanın səbəbləri ilə bağlı araşdırmalara başlanılıb.
Mənbə: TGRT
Aynur Camal
