ABŞ-da qohumların tapılması və ailə ağacının yaradılması xidmətləri göstərən şirkət hakerlərin hədəfi olub. 5,5 milyon insanın şəxsi məlumatları ələ keçirildiyi halda, 1,4 milyon insanın şəxsiyyət məlumatları oğurlanıb.
ABŞ-ın Kaliforniya ştatında yerləşən “23andMe” genetik araşdırma şirkəti oktyabr ayında təxminən 6,9 milyon istifadəçinin şəxsi məlumatlarının internet hakerləri tərəfindən oğurlandığını açıqlayıb.
Şirkətin adı açıqlanmayan sözçüsü oktyabr ayında “oğurlanmış” elan edilən məlumatlar ilə bağlı açıqlama verib.
Sözcü bildirib ki, şirkətin “nisbi tapma” xidmətini təqdim edən məlumat bazasında təxminən 5,5 milyon istifadəçinin şəxsi məlumatlarına “girilib”.
İnternet hakerlərinin 1,4 milyon insanın şəxsiyyət məlumatlarını ehtiva edən ailə ağacı profillərinin məlumatlarına da daxil olduğunu bildirən sözçü, təxminən 14 min hesaba qoşulan şəxslərin məlumatlarının əldə edildiyini və daha bir çox insanın məlumatlarının “oğurlandığını” bildirib.
Şirkət oktyabr ayında “məlumatların oğurlandığını” və məsələ ilə bağlı araşdırma aparıldığını açıqlamış və bu çərçivədə ABŞ Qiymətli Kağızlar və Birja Komissiyasına məlumat vermişdi.
İstintaq başa çatdıqdan sonra onun istifadəçilərinin 0,1 faizinin (təxminən 14 min hesab) hesablarına hakerlərin daxil olduğu açıqlanıb.
Mənbə: Ntv.Tr
Aynur Camal
