Qahirə administrasiyası fələstinli immiqrant axınına qarşı divar hörməkdə davam edir. Fələstinlilərin çıxmaması üçün təhlükəsizlik tədbirlərinin artırıldığı bildirilir.
Misirlə Qəzza zolağının sərhədində yerləşən Rəfah şəhəri İsrailin hücumlarından qaçan 1,4 milyon fələstinliyə ev sahibliyi edir.
Qahirənin səlahiyyətliləri İsrailin hücum planlaşdırdığı Rəfahdakı fələstinlilərin Misirə keçməsinin qarşısını almaq üçün sərhəddə ehtiyat tədbirləri görür.
Wall Street Journal qəzeti fələstinli qaçqınların mümkün axınına qarşı bölgədə beton divarların tikildiyini yazıb.
Bu vəziyyətin İsrail ordusunun irəliləyişindən narahat olması səbəbindən yarandığı və sərhədə yaxın Sinay səhrasında tikilən divarın 20 kvadrat kilometr ərazini əhatə etdiyi bildirilib.
Qeyd olunub ki, Misir həftələrdir fələstinliləri kənarda saxlamaq üçün sərhəddə təhlükəsizliyi artırmağa, əsgər və zirehli texnika yerləşdirməyə və hasarları gücləndirməyə çalışır.
Bildirilib ki, çoxlu sayda fələstinlinin Misirə girə bildiyi halda yeni kampusun tikintisi fövqəladə vəziyyət planlarının bir hissəsini təşkil edir.
Sözügedən düşərgədə 100 mindən çox insanın yerləşə biləcəyi paylaşıldı. Beton divarlarla əhatə olunmuş düşərgənin Misir yaşayış məntəqələrindən uzaqda olduğu bildirilib.
Xəbərdə Misir səlahiyyətlilərinə istinad edərək, fələstinlilərin çoxlu şəkildə miqrasiya edəcəyi təqdirdə Misirin qaçqınların sayını 50-60 min civarında məhdudlaşdırmağa çalışacağı bildirilib.
Qeyd olunub ki, Misirin fövqəladə vəziyyət planları ilə sürətlə irəliləməsi Qahirə rəsmilərinin çoxlu sayda miqrasiya ssenariləri ilə bağlı artan təhlükəni görməsi deməkdir.
Ailəsi ilə birlikdə Rəfahda çadırda sığınan 32 yaşlı Hamouda “Bəzi insanlar artıq Misir sərhədindədir. Bombalama güclənərsə, birbaşa Sinaya gedəcəklər. Bu, ən pis qərardır” deyib.
Mənbə: EnSonHaber
Aynur Camal
