Dinozavrlar dövründə yaşamış “qorxulu üzlü” nəhəng dəniz kərtənkələsinin növü aşkar edilib.
İngiltərəli elm adamları Mərakeşdə tapdıqları skelet qalıqlarının təxminən 66 milyon il əvvəl okeanda yaşamış yeni dəniz kərtənkələ növünə aid olduğunu müəyyən ediblər. BBC-nin məlumatına görə, İngiltərədəki Bath Universitetinin tədqiqatçıları Mərakeşin Xuribqa şəhərində mədəndə tapdıqları skelet qalıqlarını araşdırıblar.
Tədqiqatçılar qalıqların təxminən 8 metr uzunluğunda, “qorxulu üzü və bıçaq kimi dişləri” olan mosasaur ailəsindən yeni bir növə aid olduğunu təyin edərək, bu dəniz kərtənkələsinin Atlantik okeanındakı qida zəncirinin ən yaxşı yırtıcılarından biri olduğunu ifadə etdilər.
Qalıqları tapılan dəniz kərtənkələsinin təxminən 66 milyon il əvvəl Tyrannosaurus rex (T-rex) kimi dinozavrlarla eyni dövrdə yaşamış ola biləcəyini qeyd edən tədqiqatçılar iti dişlərinə görə bu mozavr növünü “khinjaria acuta” adlandırıblar.
Alimlər bu adı ərəbcə “xəncər” mənasını verən “xincar” və latınca “kəskin” mənasını verən “acuta” sözlərini birləşdirərək yaratmışlar.
Mozazavrların dinozavrlar dövründə Antarktidada yaşamış və nəsli kəsilmiş iri dəniz sürünənləri olduğu bildirilir.
Araşdırmanın nəticəsi “Science Direct” saytında dərc olunub.
Mənbə: TrtHaber
Aynur Camal
