“Yeni Gundem”in əldə etdiyi məlumata görə, ABŞ Rusiyadan uran idxalını qadağan etmək üçün addımlar atıb.
Nümayəndələr Palatası sözügedən idxalın dayandırılmasını nəzərdə tutan qanun layihəsini təsdiqləyib.
Müvafiq olaraq, qanun layihəsinin qüvvəyə minməsindən 90 gün sonra uranın idxalı istisnalar nəzərə alınmaqla qadağan ediləcək.
Bildirilib ki, qanun layihəsi ABŞ-ın energetika naziri nüvə reaktorunun və ya ABŞ-ın nüvə enerjisi şirkətinin fəaliyyəti üçün alternativ mənbə olmadığını müəyyən edərsə və ya daşınmaların Rusiyada olması halında Rusiyadan az zənginləşdirilmiş uranın idxalına icazə verən istisnalar nəzərdə tutur.
O, Senatdan keçərsə, təsdiq üçün Baydenə təqdim olunacaq.
Qanun layihəsinin qanuna çevrilməsi üçün Senatdan da keçməli və ABŞ prezidenti Co Bayden tərəfindən imzalanmalıdır.
Digər tərəfdən, ABŞ Müdafiə Nazirliyinin (Pentaqon) Ukraynaya müdafiə yardımı çərçivəsində verəcəyi tükənmiş uran güllələrinin Abrams tanklarında istifadə ediləcəyi bildirilib.
Pentaqonun bəyanatında deyilib ki, Ukraynaya ayrılan 175 milyon dollarlıq müdafiə yardımına “əlavə hava hücumundan müdafiə avadanlığı, artilleriya sursatları, tank əleyhinə silahlar, o cümlədən tükənmiş uran patronları və Ukraynaya Rusiyanın davam edən təcavüzünə qarşı durmağa kömək edəcək digər avadanlıqlar” daxildir.
Qeyd olunub ki, tükənmiş uran güllələri ABŞ-ın Ukraynaya tədarük edəcəyi 31 M1 Abrams tankı üçün olub.
Mənbə: EnSonHaber
Aynur Camal
