Makronun boks fotoları paylaşılıb: O, Putinə meydan oxuyur
Fransa lideri Makronun iddialı anlarının kadrları Rusiya prezidenti Putinə mesaj kimi şərh edilib. “Rəqibi ilə döyüşmək istəyir. Güclü zərbələr vurur” kimi ifadələr işlədilib.
Fransa prezidenti Emmanuel Makronun Qərb qoşunlarının Ukraynaya yerləşdirilməsi variantını istisna etməməsi Rusiya ilə münasibətləri gərginləşdirir.
Rusiya prezidenti Vladimir Putin nüvə müharibəsi ilə bağlı xəbərdarlıq etdiyi halda, Makronun təklifi NATO və Avropada narahatlıqla qarşılanıb.
İndi Makronun rəsmi fotoqrafı Soazig de la Moissonniere müzakirələri daha da qızışdıracaq paylaşımlar edib. Makronun yumruq atması müzakirə mövzusuna çevrilib
Moissonniere sosial media hesabında Makronun iki fərqli boks şəklini paylaşıb.
Fotolarda Makronun diqqətini cəmlədiyi və yumruq torbasını yumruqladığı görünür.
Sözügedən kadrlar Fransa liderinin rusiyalı həmkarına qarşı döyüşməyə hazır olduğu mesajını vermək cəhdi kimi qiymətləndirilib.
Onu Rocky Balboa ilə müqayisə etdilər
Fransa prezidenti Makronun fotoları ağ-qara rəngdə çəkilib. Makronun məşq zamanı dişlərini sıxdığı və bisepslərini qabarıq hala gətirdiyi görülə bilər.
Sosial media istifadəçiləri Makronu Rokki Balboa ilə müqayisə etməyə başladılar. Qeyd olunub ki, Ukraynaya dəstəyi artırmaq çağırışlarının kölgəsində dərc olunan fotoşəkillər əhəmiyyətlidir.
Putinlə “döyüşməyə” hazırlaşır
Bəziləri Makronun idman şücaətini nümayiş etdirməsi ilə tanınan Vladimir Putini təqlid etdiyini də söyləyib.
Şərhlərdə “Makron Putinlə qarşılaşmağa hazırlaşır” kimi ifadələr işlədilib.
Digər şərhlərdə isə “Sanki rəqibi ilə döyüşmək istəyir…
O qədər güclü zərbələr vurur ki, qara köynəyinin altından bisepsləri çıxır” deyilib.
Fransa Milli Assambleyasının üzvü Sandrone Russo fotoları tənqid edib. Russo: “Mütərəqqilik üçün nə məğlubiyyət. Siyasi ünsiyyətin yoxsulluğu” deyib.
Mənbə: EnSonHaber
Aynur Camal
