Bu film deyil, realdır! Dənizin ortasında ona heç nə olmadı: Qayıqdan düşdü, axın apardı, yanına köpəkbalığı gəldi…
Yeni Zelandiyanın Şimal adasında qayıqdan yıxılaraq gecəni dənizin ortasında keçirməli olan balıqçının cərəyanda qalaraq möcüzəvi şəkildə xilas edilməsi bu gün dünya mətbuatında diqqət çəkib.
Yanvarın 2-də 12 metrlik qayığı ilə balıq tutmağa çıxan Yeni Zelandiyalı kişinin tək nəfərlik səyahəti böyük kabusa çevrilib.
Şimal adasının yaxınlığında qılınc balığı tutmaq istəyərkən müvazinətini itirərək qayıqdan yıxılan şəxs adadan 55 km aralıda olub. Qısa çaşqınlıqdan sonra kişi qayığına çatmağa çalışsa da, güclü axın artıq qayığı itələmişdi.
Gecəni dərin qaranlıqda keçirən adam ertəsi gün üzə bilməyəcək qədər yorğun idi. O, saatını günəşə tutaraq əksini yaratmağa və ərazidəki balıqçıların diqqətini çəkməyə çalışıb.
Mayor adasının yaxınlığında üç balıqçı suda qeyri-adi əks olunduğunu görəndə adamın ümidsiz səyləri möcüzəyə çevrilib. İşıq yansımasını izləyən balıqçılar ətrafda qayıq olmadığı üçün dənizin ortasında kimsə tapacaqlarını gözləmirdilər, lakin bir az irəlilədikdə kişinin əl yellədiyini görüblər.
Qayığın kapitanı Maks Uayt CNN-ə bildirib ki, onlar dərhal adamın yanına gedib və onu sudan çıxarıblar. Mayor adasından 16 km uzaqda belə bir mənzərə ilə qarşılaşacaqlarını gözləmədiklərini izah edən Uayt, kişinin onları görən ilk cümləsinin ‘sizi görməkdən çox xoşbəxtəm’ olduğunu ifadə edib.
Gecəni dənizdə keçirən adamın az qala donduğunu deyən kapitan bədbəxt balıqçıya su verdiklərini və əllərində olan hər şeyi bükərək qızdırmağa çalışdıqlarını bildirib.
O Sahil Mühafizəsi və polisə zəng edərək tam sürətlə Whangamataya qayıdıb. Onlar sahilə çatanda həkim briqadaları onları gözləyirmiş.
Adı açıqlanmayan şəxs xəstəxanaya aparılarkən, Whangamata polisi Will Hamilton adamın sağ qalmasını “böyük möcüzə” adlandırdı.
Kişinin ilk ifadəsində gecə dənizdə olarkən yanına köpəkbalıqlarının gəldiyini, onu qoxulayıb geri qayıtdığını dediyini bildirən polis məmuru, “Balıqçının bu sınaqdan sonra hələ də sağ qalması böyük möcüzədir.
Məlumatda bildirilir ki, onu xilas edən üç nəfər bu qədər tez hərəkət etməsəydi, bu hekayə böyük faciə ola bilərdi.
Mənbə: hurriyyət.tr
Aynur Camal
