Qəzza Səhiyyə Nazirliyi, İsrailin hücumlarında ölənlərin sayının son 24 saatda 250 nəfər artaraq 20 min 674 nəfərə çatdığını açıqlayıb.
Oktyabrın 7-dən bu yana İsrailin hücumlarında həlak olan fələstinlilərin sayı 20 min 674-ə yüksəlib.
İsrail ordusu Qəzzada Əl-Maqazi Qaçqınlar Düşərgəsini növbəti dəfə hədəfə alıb. O, mülki əhalinin yaşadığı evlərə hava zərbələri endirib. Uşaqlar da daxil olmaqla 70 nəfər qətlə yetirilib.
Qəzzada Səhiyyə Nazirliyi, “İzdihamlı düşərgəyə edilən hücum soyqırımdır” deyib.
İsrail təhlükəsiz bölgə olacağını iddia etdiyi Xan Yunisə hücumlarını davam etdirir. Son hava hücumunda binalar dağıntılara çevrilib. 21 nəfər ölüb, onlarla insan yaralanıb. Dağıntılar altında xeyli insanın olduğu bildirilib. İsrailin hücumları nəticəsində həlak olan BMT əməkdaşlarının sayı 142-yə yüksəlib.
Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyi, işçilərinin əksəriyyətinin ailələri ilə birlikdə öldürüldüyünü bildirib.
Qəzza zolağında həlak olan İsrail əsgərlərinin sayı artır. HƏMAS-ın hərbi qanadı İzzəddin əl-Qəssam Briqadaları daha 48 İsrail əsgərinin öldürüldüyünü açıqlayıb.
Onlarla İsrail əsgərinin yaralandığı bildirilən açıqlamada İsrail ordusuna aid 35 hərbi maşının qismən və ya tamamilə məhv edildiyi qeyd edilib.
Mənbə: TrtHaber
Aynur Camal
