Almaniya kansleri Olaf Şolz Rusiya-Ukrayna müharibəsinə toxunaraq, “Ordumuzdakı əsgərləri Ukraynaya göndərməyəcəyəm” deyib.
Sosial mediada paylaşdığı video mesajında NATO-nun müharibənin tərəfi olmadığını və olmayacağını bildirən Scholz, “Bu belə qalacaq. Rusiyanın Ukraynaya qarşı müharibəsinin Rusiya ilə NATO arasında müharibəyə çevrilməsini istəmirik. Biz bu məsələdə bütün müttəfiqlərimizlə razıyıq” deyib.
Bunun həm də Almaniyanın müharibəyə qarışmayacağı anlamına gəldiyini vurğulayan Şolz, “Açıq və aydın desək, Almaniya kansleri olaraq ordumuzdakı əsgərləri Ukraynaya göndərməyəcəyəm. Əsgərlərimiz buna güvənə bilər və siz də etibar edə bilərsiniz” deyib.
Partnyorları və müttəfiqləri ilə Ukraynaya dəstəyi artıracaqlarını bildirən Baş nazir Şolz, Ukrayna ordusunun xüsusilə hava hücumundan müdafiə üçün təcili olaraq daha çox sursat və silaha ehtiyacı olduğunu qeyd edib.
Scholz, dünən Freiburqda etdiyi şərhdə, “Ukrayna ərazisinə nə quru qoşunları, nə Avropa dövlətləri, nə də NATO dövlətləri tərəfindən göndərilən əsgərlər olmayacaq. Ölkələrimizdə xidmət edən əsgərlər döyüşə aktiv şəkildə qatılmayacaq” deyə vurğulayıb. O, aşağıdakı ifadələrdən də istifadə edib:
Fransa prezidenti Emmanuel Makron fevralın 26-da Fransanın ev sahibliyi etdiyi Ukraynaya dəstək konfransının bağlanışında deyib: “Rusiyanın bu müharibədə qalib gəlməsinin qarşısını almaq üçün əlimizdən gələni edəcəyik”.
Digər tərəfdən, Makron 2 ildən artıqdır Rusiyaya qarşı döyüşən Ukraynaya qoşun yeritməkdə Avropa ölkələri arasında konsensus olmadığını, lakin bu ehtimalın da nəzərdən qaçırılmaması lazım olduğunu bildirib.
Mənbə: TrtHaber
Aynur Camal
